Eldegi eń iri áýejaıda bolǵan shabýyldyń nátıjesinde keltirilgen shyǵyn 23 mıllıard teńgege jýyqtaǵan.
2021 jyldyń qańtar-qarasha aılarynda áýe kóligimen tasymaldanǵan 10 jolaýshynyń 7-eýi Almaty qalasynan boldy, dep habarlaıdy Almaty-akshamy.kz Energyprom.kz saıtyna silteme jasap.
Áýe kóligi kásiporyndarynyń tolyq emes 2021 jylǵy 11 aıdaǵy tabysy kúrdeli «korona daǵdarysyn» keshirgen 2020 jyldyń osy kezeńimen salystyrǵanda, 170,1 mlrd teńgeden ulǵaıyp, 333,2 mlrd teńgege jetti. Kiristiń 95 paıyzdan astamy – 317,8 mıllıard teńge – dástúrli túrde jolaýshy tasymaldaýdan, qalǵan 15,4 mıllıard teńge – júkter men bagajdy tasymaldaýdan túsken kirister.
Jalpy, 2020 jyly áýe kóligi kásiporyndarynyń kiris kólemi 188,2 mlrd teńgeni qurady, bul 2019 jylǵy «korona daǵdarysynyń» aldyndaǵy ýaqytpen salystyrǵanda 2 esege az. Bul rette 2020 jylǵy shyǵyn 67,5 mıllıard teńgeni qurasa, 2019 jyly 33,4 mıllıard teńge paıda bolǵan.
2021 jylǵy qańtar-qarasha aılarynda áýe kóligimen 8,6 mln jolaýshy tasymaldandy, bul 2020 jyldyń osy kezeńimen salystyrǵanda 73,7%-ǵa artyq.
Jalpy, 2020 jyly 5,5 mln jolaýshy tasymaldandy, bul 2019 jylmen salystyrǵanda 36,4%-ǵa az.
2021 jylǵy qańtar-qarashada 30,6 myń tonna júk tasymaldandy, bul 2020 jylǵy qańtar-qarashamen kezeńimen salystyrǵanda 1,5 esege artyq.
Jalpy, 2020 jyly 23,4 myń tonna júk tasymaldandy, bul 2020 jylmen salystyrǵanda 12,4%-ǵa az, al jolaýshylar tasymalymen salystyrǵanda tasymaldanǵan júk kólemi de 2019 jyly birden 39,5%-ǵa qysqardy.
2021 jyldyń qańtar-qarasha aılarynda áýe kóligimen tasymaldanǵan 10 jolaýshynyń 7-eýi Almaty qalasynan boldy, bul degenimiz 6,1 mln adam. Odan keıingi orynda Shymkent (1,9 mln adam) jáne Nur-Sultan (529,2 myń adam) megapolısteri tur.
2021 jyldyń qańtar-qarasha aılarynda Almaty qalasynyń úlesine de áýe kóligimen tasymaldanǵan júkterdiń, jalpy kóleminiń 62,8%-y tıesili boldy: bul 19,2 myń tonnany qurady. Odan keıingi orynda Shymkent (9 myń tonna) jáne Nur-Sultan (2,4 myń tonna) keledi.
Osy oraıda, aǵymdaǵy jyldyń 5-6 qańtarynda Almaty halyqaralyq áýejaıyn basyp alý jáne tonaý nátıjesinde Almaty ákimdiginiń aldyn ala málimeti boıynsha, 2022 jylǵy 14 qańtardaǵy aqparatqa sáıkes, oǵan 22,6 mıllıard teńge zalal keltirilgen, al qalaǵa keltirilgen jalpy shyǵyn shamamen 112 mlrd teńgeni qurady .
Sonymen qatar, Almaty áýejaıy 2022 jyldyń 13 qańtarynan bastap jumysyn jalǵastyryp, ishki jáne halyqaralyq reısterdi kezeń-kezeńimen qalpyna keltirdi, bul onyń qarjylyq kórsetkishterine de áser etetini sózsiz.
