«Alataý» dástúrli óner teatry teatr álemindegi bedeldi baıqaýlardyń biri - Chehov festıvaline joldama aldy, dep habarlaıdy aqshamnews.kz
Onda shyǵarmashylyq ujym saýndrama janryndaǵy «Mamluk. Sultan Beıbarys» qoıylymyn sahnalaıdy. Bul týraly teatr dırektory Maqsat Nuralıev Óńirlik komýnıkasıalar qyzmetiniń brıfıńinde málimdedi.
«Bizdiń teatr úshin osyndaı mańyzdy is-sharada qazaq teatr ónerin kórsetý – zor jetistik. Men «Mamluk. Sultan Beıbarys» spektakline óz janyn salǵan daryndy ártisterimizdi, rejıserlarymyzdy, mýzykanttarymyzdy, jalpy barlyq shyǵarshashylyq quramdy maqtan tutamyn», - dedi Maqsat Nuralıev.
Sondaı-aq, teatr trýppasyn Fransıadaǵy Avınon festıvaline «Altybaqan» premeralyq spektaklimen shaqyrýy múmkin. Aıta keterligi, «Alataý» teatry sońǵy jyldary halyqaralyq qatynas baǵytyndaǵy jumysty belsendi damytýda. 2024 jyly teatr ártisteri Qytaıda óner kórsetti, sondaı-aq Almaty ákimdiginiń qoldaýymen jetekshi sheteldik mádenı ortalyqtarda oqýdan ótti.
Bıyl teatr Nurǵısa Tilendıevtiń 100 jyldyǵyna jáne Abaı Qunanbaıulynyń 180 jyldyǵyna oraı tarıhı tulǵalardyń ómiri men shyǵarmashylyǵyn dáripteıtin jańa qoıylymdar usynady.