Tehnıkalyq reglament talaby osyndaı.
Bul QR Ákimshilik kodeksiniń 590-babynyń 5-bóligi. Qysqy ýaqytta jazǵy dóńgelekpen júrgen júrgizýshi anyqtalǵan jaǵdaıda polısıa qyzmetkerleri aıyppul salýǵa quqyly, dep habarlaıdy Almaty-akshamy.kz.
Bul týraly ÓKQ brıfıńinde Almaty qalasy Polısıa departamentiniń resmı ókili Saltanat Ázirbek habarlady.
Mundaı buzýshylyq úshin aıyppuldyń eń tómengi mólsheri 5 AEK quraıdy, eger bir jyl ishinde júrgizýshi osyndaı quqyq buzýshylyqty qaıta jasasa, onda aıyppul 10 AEK-ke deıin artady.
«Qys taıap qaldy, sondyqtan 1 jeltoqsannan 1 naýryzǵa deıin bizdiń barlyq avtokólikterimiz qysqy rezeńkege aýysýy kerek. Bul - qaýipsizdik talaptary, óıtkeni iri megapolıste alǵashqy jaýyn-shashyn bastalǵannan keıin haos bastalady. Onyń sebebi - júrgizýshilerdiń qys mezgiline daıyn emestiginde», - deıdi S. Ázirbek.
Ol júrgizýshilerdi aldyn-ala qamdanyp, kólikti qys kezine erterek daıyndaýǵa shaqyrdy, ásirese polıseıler bul baǵytta 1 qarashadan bastap profılaktıkalyq jumystardy bastady. Tártip saqshylary júrgizýshilerdi eskertedi.