Kún sýyta kele jedel respıratorlyq vırýstyq ınfeksıalar men tumaýdyń paıda bolý qaýpi artady. Almaty qalasynyń Qoǵamdyq densaýlyq saqtaý basqarmasynda turǵyndardy maýsymdyq epıdemıadan qorǵaý úshin keshendi sharalar qabyldandy, dep habarlaıdy aqshamnews.kz
ÓKQ brıfıńinde Almaty qalasy Qoǵamdyq densaýlyq saqtaý basqarmasynyń epıdemıologıalyq baqylaý bóliminiń basshysy Baqjanar Muhamadıeva JRVI men tumaýdyń aldyn alý úshin kelesi sharalar engizilgenin habarlady:
- 1 qyrkúıekten bastap emhanalardyń barlyq egý kabınetteri men súzgileri demalys jáne mereke kúnderin qosa alǵanda, kúsheıtilgen jumys rejımine aýystyrylady;
- qala boıynsha feldsherlik brıgadalardyń jumysy úshin emhanalar janyndaǵy jedel medısınalyq járdem bólimshesi deńgeıinde shuǵyl 4 sanattaǵy shaqyrýlarǵa qyzmet kórsetý úshin 102 jedel medısınalyq avtokólik bólindi, bul pasıentterdiń úılerine baryp, jyldam qyzmet kórsetýge múmkindik beredi;
- JRVI jáne tumaýmen aýyratyn naýqastardy aýrýhanaǵa jatqyzý úshin qala stasıonarlarynda 453 oryn daıyndaldy jáne qosymsha naýqastar sany artqan jaǵdaıda taǵy 90 tósek ornalastyrý múmkindigi qarastyrylǵan, bul stasıonarlyq kútimge muqtaj pasıentterdi ýaqtyly aýrýhanaǵa jatqyzýdy jáne emdeýdi qamtamasyz etýge múmkindik beredi.
- daıyndyqtyń mańyzdy bóligi qarqyndy terapıa kórsetýge daıyndyq boldy: Almatynyń medısınalyq mekemelerindeókpeni jasandy jeldetýge arnalǵan 892 apparat (ÓJJ) bar, bul tumaý men JRVI aýyr túrlerimen aýyratyn naýqastarǵa kómek kórsetýge múmkindik beredi.
-sondaı-aq, qalanyń jedel medısınalyq járdem qyzmeti halyq arasynda tumaý, JRVI jáne KVI-men syrqattanýshylyq kóterilgen jaǵdaıda, JRVI belgileri bar jáne olardyń asqynýlary bolǵan júkti áıelder jáne 1 jasqa deıingi balalardy ýaqtyly aýrýhanaǵa jatqyzyza otyryp, basym tártippen qyzmet kórsetýge daıyn.
- jedel medısınalyq járdem qyzmetinde halyqtyń ótinishi kúrt artqan jaǵdaıda, 103 - ten shaqyrtý qabyldaý jelilerin ulǵaıta otyryp, qosymsha dıspecher-ústelderdi ashý jáne JMJQ rezervtik brıgadalaryn jelige shyǵarý boıynsha jumys júrgiziletin bolady.
- búgingi tańda halyqqa 186 JMJQ brıgadasy qyzmet kórsetedi. Qajet bolǵan jaǵdaıda brıgadalar sany 200-ge deıin artady.
«Medısına qyzmetkerlerin oqytýǵa erekshe nazar aýdaryldy: dárigerler men qyzmet mamandary úshin qalalyq semınar ótkizý josparlanýda. Bul is-shara medısına qyzmetkerleriniń bilimin jańartýǵa jáne olardy vırýstyq ınfeksıalarmen tıimdi kúresýge daıyndaýǵa múmkindik beredi», - dep tolyqtyrdy B.Muhamadıeva.
Aldyn alý sharalary maqsatynda Basqarma vaksınasıa júrgizý úshin jergilikti búdjet qarajatynan táýekel tobyndaǵy adamdar úshin 200 000 doza mólsherinde úshvalentti tumaýǵa qarsy «Grıppol Plús» vaksınasynyń partıasy satyp alyndy.
Atap ótkendeı, tumaýǵa qarsy vaksınasıa naýqany aǵymdaǵy jyldyń 15 qyrkúıeginen bastalady.
Sonymen qatar, Qoǵamdyq densaýlyq saqtaý basqarmasy qala turǵyndaryn aldyn alýdyń qarapaıym erejelerin saqtaýǵa shaqyrady:
- JRVI-men aýyratyn naýqastarmen baılanysta bolýdan aýlaq bolýǵa tyrysý, eger ol múmkin bolmaǵan jaǵdaıda, onda maska taǵyp júrý;
- naýqastanǵan adam qoǵamdyq oryndarda, ujymdyq oryndarǵa barǵanda; úıde, otbasymen bolǵanda maska taǵyp júrýi kerek;
- aýyryp qalǵan jaǵdaıda ózin-ózi emdeýmen aınalyspaı, medısınalyq kómekke júginý kerek;
- túshkirip, jótelgen kezde aýyzdy qolmen, maılyqpen jabý kerek;
- qoldy barynsha jıi jýý;
- ımýndyq júıeni kóterý, S dárýmenin kóbirek tutyný;
- kópshilik qatysatyn is-sharalarǵa barýdy azaıtý, ásirese JRVI men tumaý kúsheıgen kezde;
- ata-analarǵa balalary naýqastanǵan jaǵdaıda, olardy mektep, mektepke deıingi mekemelrge jibermeý ótinishi.