2024 jyldyń 11-15 jeltoqsan aralyǵynda A. Maldybaev atyndaǵy Qyrǵyz ulttyq akademıalyq opera jáne balet teatrynda kórnekti qyrǵyz bıshisi ári baletmeısteri Ýran Sarbagyshevtyń 90 jyldyǵyna arnalǵan «Ýlýý-Eles» İ Halyqaralyq balet ártisteri baıqaýy ótti.
Bul týraly Mádenıet jáne aqparat mınıst rliginiń baspasóz qyzmeti málimdedi, dep habarlaıdy aqshamnews.kz.
Oǵan Reseı, Qazaqstan, Ózbekstan, Japonıa jáne Qyrǵyzstannan kelgen balet ártisteri, horeografıalyq oqý oryndarynyń stýdentteri men baletmeısterleri qatysty.
Aleksandr Seleznev atyndaǵy Almaty horeografıalyq ýchılıshesiniń stýdentteri joǵary nátıjeler kórsetti:
1 oryn – Amına Bataeva
2 oryn – Aqbota Abylqasenova
3 oryn – Tomırıs Aqyn men Alıhan Naqysqojaev.
Dıplomanttar:
Irına Bekker, Anastasıa Petına, Alısher Qasymhan, Arsen Ermekov.
Erekshe marapat – Robert Ýrazǵıldeev pen Inga Levchenko atyndaǵy júlde, ony Býbýsara Beıshenalıeva atyndaǵy Qyrǵyz memlekettik mádenıet jáne óner ýnıversıteti taǵaıyndaǵan. Bul júldeni Irına Bekker men oqytýshy – Qazaq KSR eńbek sińirgen ártisi Lúdmıla Mýnsekqyzy Lı ıelendi.
Baıqaý balet ónerin damytý men nasıhattaýǵa, daryndy oryndaýshylardy anyqtap, qoldaýǵa, balet ártisteriniń kásibı sheberlik deńgeıin arttyrýǵa, sondaı-aq balet salasyndaǵy halyqaralyq mádenı baılanystardy nyǵaıtýǵa baǵyttalǵan.