Qazaqstan Respýblıkasynyń Ulttyq banki jańa serıalardy – «Qazaqstannyń tabıǵı injý-marjandary» jáne «Kóshpendilerdiń ańyzdary men mıfteri» iske qosatynyn jarıalady. Monetalardy satý 20 jeltoqsannan bastap banktiń ınternet-dúkeninde (https://kazcoins.nationalbank.kz/ru) bastalady, dep habarlaıdy aqshamnews.kz
Shymbulaq «Qazaqstannyń tabıǵı injý-marjandary» serıasyn ashady jáne eldiń áıgili kórikti jerlerine – shatqaldar, sý aıdyndary men tabıǵı obektilerge arnalǵan. Qazaqstan kartasynyń kontýrynda shańǵyshy beınelengen, onyń aınalasynda petroglıfter ornalasqan.
Tulpar – «Kóshpendilerdiń ańyzdary men mıfteri» serıasyndaǵy alǵashqy moneta. Kompozısıanyń ortasynda túrki mıfologıasynda jyldamdyq pen kúshtiń sımvoly sanalatyn qanatty tulpar beınelengen. Bul serıa Ulttyq banktyń bastamasy boıynsha eldiń mádenıetin, beıneleý óneri men dástúrlerin nasıhattaýǵa arnalǵan.
Shymbulaq jáne Tulpar monetalary 925 synamaly kúmisten jasalǵan. Olardyń nomınaly – 1000 teńge, ár koleksıalyq monetanyń tırajy – 1000 dana.
Barlyq moneta túrleri Qazaqstan aýmaǵynda ózderiniń nomınaldyq quny boıynsha tólem quraly retinde qabyldanýǵa mindetti.