Almatydaǵy aty ańyzǵa aınalǵan Qazaq memlekettik sırkiniń arenasynda álemdik sırk óneriniń juldyzdary óner kórsetedi.
23-27 shilde aralyǵynda kún saıyn saǵat 18:00-de kórermenderge Qazaqstannan, Fransıadan, Germanıadan, Qytaıdan, Vetnamnan, Argentınadan, Efıopıadan, Belgıadan, Ózbekstannan, Qyrǵyzstannan, Reseıden, Ýkraınadan jáne basqa da elderden kelgen akrobattar, áýe gımnasttary, jonglerler, kloýndar, ekvılıbrıster men ózge de ónerpazdardyń biregeı qoıylymdary usynylady.
Jalpy alǵanda, 16 elden kelgen sırk sheberleri Almaty Circus Festival atty III Halyqaralyq sırk óneri festıvalinde umytylmas shoý jasaıdy. Bıletter sırk kasasynda jáne Freedom Ticketon platformasynda qoljetimdi.
Bıylǵy festıvál Qazaq memlekettik sırkiniń 55 jyldyǵyna arnalady. Aýqymdy is-shara Almaty qalasy ákimdiginiń qoldaýymen ótýde. Sonymen qatar sırk kúmbezi astynda buǵan deıin halyqaralyq festıválderde kórsetilmegen eksklúzıvti ári tarıhı qoıylymdar alǵash ret sahnalanady.
Festıvál qatysýshylaryna otandyq sırk óneriniń negizin qalaǵan ardagerler men shet elderden kelgen salanyń myqty menedjerleri baǵa beredi.