Atalǵan jarys 23-26 shilde aralyǵyna josparlanǵan. Týrnırge álemniń 15 memleketinen 235 jas tenısshi qatysady.
Alataý tórinde Gonkong, Úndistan, Katar, Qytaılyq Taıpeı, Qyrǵyzstan, Malaızıa, Mońǵolıa, Birikken Arab Ámirlikteri, Saýd Arabıasy, AQSH, Túrikmenstan, Ózbekstan, Ońtústik Koreıa, Japonıa, Qazaqstan sportshylary ózara baq synaıdy, dep habarlaıdy aqshamnews.kz UOK-ke silteme jasap.
Jarysty qabyldaýshy memleket Qazaqstan sapynan túrli jas sanatyndaǵy 86 sportshy synǵa túsedi.
Halyqaralyq ústel tenısi federasıasy (ITTF) men Álemdik ústel tenısi (WTT) qoldaýymen ótetin týrnır jasóspirimder serıasynyń kúntizbesine engen jáne álemdik reıtıń boıynsha upaı taratady.
Ústel tenısinen WTT Youth Contender týrnırinde myna jas erekshelikteri boıynsha júldeler oınatylady:
- 11 jasqa deıingi qyzdar men uldar, jekeleı syn;
2. 13 jasqa deıingi qyzdar men uldar, jekeleı syn;
3. 15 jasqa deıingi jasóspirim ul-qyzdar, jekeleı syn;
4. 17 jasqa deıingi jasóspirim ul-qyzdar, jekeleı syn;
5. 19 jasqa deıingi jasóspirim ul-qyzdar, jekeleı syn;
6. 15 jasqa deıingi sportshylar arasynda aralas juptyq syn.
Týrnır Almaty qalasyn Nurkent, 14 B mekenjaıynda ornalasqan ADD Ustel Tennis Ortalygy kesheninde ótedi. Kirý tegin.
Sondaı-aq jarys tikeleı efırde Qazsport arnasynan kórsetiledi.