Qajymuqan kóshesiniń bir bóliginde ortasha jóndeý jumystary júrgizilýine baılanysty kólik qozǵalysyna ýaqytsha shekteý qoıylady.
18 shilde kúni saǵat 23:00-den 19 shilde saǵat 6:00-ge deıin Nazarbaev dańǵylynan bastap 8-shi Gvardıalyq Dıvızıa kóshesine deıingi aralyqta qozǵalys jabylady, dep habarlaıdy aqshamnews.kz.
Jóndeý júrgiziletin aýmaqta eskertý belgileri, merdiger uıym basshysynyń baılanys málimetteri kórsetilgen taqtalar ornatylady. Marshrýtyńyzdy aldyn ala josparlaýyńyzdy suraımyz.
Esterińizge sala keteıik, qozǵalysqa shekteý qoıý týraly barlyq aqparat @AlmatyJoly Telegram arnasynda, aýdan ákimdikteriniń áleýmettik jelilerinde, sondaı-aq 2GIS jáne «Iandeks karty» servısterinde jarıalanady.