Megapolıs áýejaıynyń onlaın tablosyna sáıkes, Almatydan Astanaǵa, Pavlodarǵa ushatyn reıs keıinge shegerildi.
Sondaı-aq Astana, Shymkent, Aqtaý, Atyraý, Oral, Kókshetaý, Qyzylorda, Tashkent, Fýkýoka, Phýket, Delı, Antalıa, Doha jáne Dýbaıdan ushyp keletin reıster keshigip jatyr, dep habarlaıdy aqshamnews.kz.
Almaty áýejaıynyń baspasóz qyzmeti, halyqaralyq áýejaıdyń qalypty rejımde jumys istep jatqanyn jáne eshqandaı úzilis baıqalmaǵanyn habarlady.
Air Astana Almatydan ushatyn barlyq reısterdiń keshigip jatqanyn muzdy tazartýǵa arnalǵan kezekke baılanysty dep túsindirdi. Áýe reıster óńdeý aıaqtalǵan soń jóneltiledi.