Táýelsizdik kúnine oraı Almaty halyqaralyq áýejaıynda Áskerı-elektronıka jáne baılanys ınstıtýtynyń kýrsanttary men áskerı orkestr patrıottyq fleshmob ótkizdi.
Áskerı mýzykanttar qazaqtyń tanymal shyǵarmalaryn oryndap, merekege erekshe kóńil-kúı syılady, dep habarlaıdy aqshamnews.kz.
Fleshmob barysynda orkestr «Almaty» marshyn, kópshiliktiń súıikti áni «Qazaqtaı el qaıda?!» jáne «Azıa daýysy» kompozısıasyn oryndady. Sharanyń sharyqtaý shegi retinde áskerı oqý ornynyń kýrsanttary oryndaǵan «Adaı» kúıi kórermenderdiń ystyq yqylasyna bólendi.
Bul is-shara áýejaıdyń jolaýshylary men qyzmetkerleri arasynda úlken qyzyǵýshylyq týdyrdy. Kóptegen adamdar tamsana qarap, fleshmobty telefonǵa túsirip, tipti tanys áýenderge qosyla shyrqady.
Fleshmob Táýelsizdik kúniniń árbir qazaqstandyq úshin mańyzdylyǵyn aıqyndaı otyryp, birlik pen patrıotızmniń sımvolyna aınaldy.
Shara kórermenderdiń qoshemetine bólenip, barshaǵa umytylmas áser men elge degen maqtanysh sezimin syılady.
