Osyǵan oraı, Prezıdent Bahreın Koroline quttyqtaý jedelhatyn joldady, dep habarlaıdy aqshamnews.kz Aqordaǵa silteme jasap,
Qasym-Jomart Toqaev sheıh Hamad ben Isa Ál Halıfa men onyń otandastaryn Bahreın Koróldiginiń ulttyq merekesi –Táýelsizdik kúnimen quttyqtady.
Memleket basshysy jedelhatynda Qazaqstannyń Bahreındi arab álemindegi jáne Taıaý Shyǵystaǵy senimdi ári mańyzdy seriktesteriniń biri retinde qarastyratynyn atap ótken. Sondaı-aq dástúrli dostyq pen ózara qoldaýǵa negizdelgen yntymaqtastyq qos halyqtyń ıgiligi jolynda qarqyndy damı beretinine senimdi ekenin jetkizgen.
Qasym-Jomart Toqaev sheıh Hamad ben Isa Ál Halıfaǵa uzaq ǵumyr, Bahreın halqyna baq-bereke tiledi.