Osy jyldyń basynan bastap profılaktıkalyq ekpemen qamtý 39,5 – 42% sheginde qajetti deńgeıge jetti.
Josparly vaksınasıa qalaı júrgiziledi jáne epıdemıologıalyq jaǵdaı qandaı ekenin Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova Óńirlik komýnıkasıalar qyzmetiniń brıfıńinde aıtty, dep habarlaıdy Almaty-akshamy.kz.
«Bul baǵyttaǵy jumys jalǵasýda, jyl saıyn qala profılaktıkalyq ekpemen 95% - dan astamyn qamtý kórsetkishin oryndaıdy. Ýaqtyly ımmýndaý vaksınamen basqarylatyn ınfeksıalar boıynsha epıdemıologıalyq jaǵdaıdy turaqtandyrýǵa yqpal etetin halyq arasynda ımýndyq qabat qurýǵa múmkindik beredi. Vaksına adamzat oılap tapqan eń jaqsy ónertabystardyń biri ekeni jalpyǵa málim, óıtkeni ol mıllıondaǵan adamnyń ómirin saqtap qalýǵa múmkindik beredi», - dedi Á.Qalyqova.
Ol halyqty vaksınasıamen qamtýdyń joǵary kórsetkishterimen ǵana qoǵamda ujymdyq ımýnıtet saqtalatynyn eske saldy - bul vaksınasıalanbaǵandardy ekpe alǵandar esebinen janama qorǵaý. Ujymdyq ımýnıtet vaksınasıa salǵyzbaǵandardyń úlesi artqan kezde báseńdeıdi.
«Halyqty vaksınasıamen barynsha qamtýdyń tıimdiligi vaksınasıamen basqarylatyn aýrýlardyń kópjyldyq dınamıkasymen dáleldendi. Máselen, sońǵy 20 jylda qyzamyq aýrýynyń 3 myń esege, parotıtpen - 140 eseden astam, «V» gepatıtimen aýyrý - 40 esege tómendegen. Sońǵy jyldary elde sirespeniń jekelegen jaǵdaılary tirkeldi, dıfterıa (2009 jyldan), polıomıelıt (1996 jyldan) jaǵdaılary tirkelmedi», - dep tolyqtyrdy Qalyqova.
Sarapshy atap ótkendeı, respýblıka aýmaǵynda profılaktıkalyq ekpe jumystaryn júrgizý birneshe normatıvtik-quqyqtyq aktilermen retteledi, olardyń ishinde «Halyq densaýlyǵy jáne QR Densaýlyq saqtaý júıesi týraly» Kodeksi, negizgi profılaktıkalyq ekpeler Úkimettiń 24.09.2020 jylǵy №612 qaýlysymen bekitilgen Ulttyq egý kúntizbesine engizilgen. Vaksınasıalanbaǵan balalardy mektepke deıingi mekemelerge jiberý erejeleri de reglamenttelgen.
«Densaýlyq saqtaý mınıstrliginiń 2020 jylǵy № 289 vaksınasıalanbaǵan balalardy mektepke deıingi uıymdarǵa jiberý qaǵıdalaryn bekitý týraly buıryǵy qoldanylady. Osy buıryqpen mektepke deıingi balalar mekemeleri bolyp tabylatyn uıymdasqan ujymǵa kirý vaksınasıalanbaǵan balalardyń sany 10% - dan aspaýy tıis ekendigi reglamenttelgen. Qazirgi ýaqytta bizdiń qyzmet Qoǵamdyq densaýlyq saqtaý basqarmasymen jáne Bilim basqarmasymen birlesip osy buıryqty oryndaý boıynsha barlyq profılaktıkalyq is-sharalardy júrgizýde»,- dep túsindirdi spıker.
Departamenttiń derekteri boıynsha búgingi tańda Almaty qalasynda vaksınalar sany jetkilikti, bul tıisti kontıngentke profılaktıkalyq ekpe jumystaryn ýaqtyly júrgizýge múmkindik beredi. Sonyń ishinde bir jasqa deıingi balalar, bul qala halqy arasynda ınfeksıalyq-parazıttik syrqattanýshylyq kórsetkishin tómendetýge múmkindik beredi.