Indýstrıaldy aımaqta 88 kompanıanyń qyzmetiniń arqasynda 10 myńnan astam jumys orny quryldy
Indýstrıalyq aımaqtyń negizgi mindeti ónerkásip salasynda jeke kásipkerlikti damytýǵa járdemdesý jáne halyqty jumyspen qamtýdy qamtamasyz etý. Kásiporyndardyń qyzmeti týraly «Almaty - ındýstrıalyq aımaq» JSHS bas dırektory Álisher Satybaldıev aıtyp berdi, dep habarlaıdy almaty-akshamy.kz
Mysaly, 2022 jyly 8 joba iske qosyldy, olar «Kaz-Dıa-Test» JSHS, «City Stone», «TEPLOSTIL», «Stroy Production», «ElektroBar», sondaı-aq 3 shaǵyn ónerkásiptik park («QazaqPlast», «Alatau Industrial Park», «ALAESTATE»). Investısıa somasy 9 mlrd. teńgeni qurady, 466 jumys orny quryldy.
2023 jyly 369 jumys ornyn qurýmen jalpy somasy 15 mlrd. teńgege 5 jobany iske qosý josparlanýda (QR teńdesi joq «VALTHERM», «Green Innovation 2030», «Irrıgator Qazaqstan», «BSF (Radýga)» jáne «Álem Tynysy»).
Bıyl 250 jumys ornyn (tólem júıeleri úshin bank kartalaryn shyǵaratyn «Rozan Azıa» kompanıasy, hosh ıisti sabyn shyǵaratyn Telli Ondiris, Praım Internashıonal, Kapital Construction jáne KMK Investment III kezeń EURASIAN X – qurylys materıaldaryn shyǵarý) qura otyryp, jalpy somasy 11 mlrd.teńgege 5 jobanyń qurylysyn aıaqtaý josparlanýda.
Qazirgi ýaqytta Astana Motors Manufacturing Kazakhstan (Qytaı avtokólikterin shyǵaratyn mýltıbrendti zaýyt), Halavet KZ (tamaq óndirisindegi jelatındi óndirý), Qazaq Prom Stroy, TD Kama Qazaqstan jáne JBI Garant sıaqty kompanıalar belsendi qurylys júrgizýde.
Álisher Satybaldıev bıznes-qaýymdastyq arasynda óte tanymal ónerkásiptik parkter týraly aıtyp berdi. Mysaly, búginde ónerkásiptik parkterge ornalasý úshin 200-den astam kompanıa kezekte tur.
Ónerkásiptik parkter aýmaǵynda ornalasý boıynsha kósh basynda tamaq, jıhaz ónerkásibi, plasmassa jáne metal óńdeý kompanıalary tur.
«Indýstrıalyq aımaq joǵary qarqynmen damyp kele jatqanyn eskersek, búginde aýmaqtyń 95%-y ıgerildi. Memleket basshysynyń ózi qoldaý birdirgen batysqa qaraı JEO-2 baǵytynda 200 gektarǵa keńeıtý týraly sheshimi qabyldandy. Qazir jer ýchaskelerin satyp alý aıaqtalýda»,-dep jalǵastyrdy Almaty IA Bas dırektory.
Qorytyndylaı kele, Álisher Satybaldıev Almaty qalasy ákiminiń qoldaýymen, ındýstrıaldy aımaqtyń aýmaǵynda ınovasıalyq tehnıkalyq kolejiniń qurylysy bastalady. Ol 720 oqýshy ornyna eseptelgen, kolej aýmaǵynda 320 oryndyq stýdenttik jataqhana ornalasatyn bolady. Kolej oqýshylary ındýstrıalyq aımaqqa qajet mamandyqtarǵa baǵyttalǵan bilim alady.