Zoobaqta qazir jasy eń úlken janýar – qoltyraýyn
Búgin Almatyda haıýanattar baǵynyń ashylǵanyna 85 jyl toldy. Bul týraly Almaty qalalyq mádenıet basqarmasynyń baspasóz qyzmeti málim etti, dep habarlaıdy Almaty-akshamy.kz.
Almatyda haıýanattar baǵy 1937 jyly 7 qarashada ashyldy. Sodan beri qala qonaqtary men turǵyndarynyń súıikti orny bolyp keledi.
«Almatydaǵy haaıýanattar baǵy tipti Ekinshi dúnıejúzilik soǵys kezinde de jabylǵan joq. Zoobaq ashylǵan jyly janýardyń tek 70 túri boldy. Ol kezde Almatyǵa janýarlar Máskeý, Ashhabad, Lenıngrad haıýanattar baǵynan ákelinetin. Qazirgi ýaqytta Almaty haıýanattar baǵynda 3 998 janýar jáne olardyń 372 túri meken etedi. Zoobaqta qazir jasy eń úlken janýar – qoltyraýyn. Bıyl ol 50-ge toldy»,- dep habarlady qalalyq mádenıet basqarmasynda.
Al zoobaqtyń baspasóz qyzmeti jasalǵan jumystar men aldaǵy josparlary týraly málim etti.
Burynda zoobaqta arystandar men qoltyraýyn, jylan, totyqustarǵa arnalǵan bir ǵana qysqyjaı bolǵan. Qazirgi ýaqytta ár janýardyń qysqy turaǵy bar.
«Sońǵy ýaqytta biz aıýlarǵa, qasqyrlar men jolbarystarǵa arnap keń volerler saldyq. Zoobaq aýmaǵyndaǵy kólshikterge kúrdeli jóndeýler júrgizdik. Aldaǵy ýaqytta pilderge, múıiztumsyqtar men sýsıyrlarǵa arnap keń jazǵy jáne qysqy turaq salamyz. Sonymen qatar, jańa veterınarlyq bólim, jem-qorek bólimi men jemis-jıdek saqtaıtyn qoıma salamyz»,- dep habarlady zoobaqttyń baspasóz qyzmeti.