Búgin de óńirde nóser jańbyr jaýady
Túrkistan oblysynda nóser jańbyrdan keıin aýyldy sý basty, dep habarlaıdy Almaty-akshamy.kz Túrkistan oblysy Tótenshe jaǵdaılar departamentine silteme jasap.
Jańbyr saldarynan Tólebı aýdany Birinshi mamyr aýylyn sý alyp jatyr. Jalpy, aýyldaǵy bir balabaqsha men jeke sektordaǵy 25 aýlany jáne birneshe kósheni sý basqan.
«Jergilikti atqarýshy organdar men Tótenshe jaǵdaılar departamentiniń qyzmetkerleri sýdy shyǵarý jáne ınertti materıaldar salynǵan qaptardy tóseý jumystaryn júrgizýde. Qazirgi tańda 200-den astam qap tóseldi. Sý jınalýy yqtımal jerlerge taǵy 300-ge jýyq qap tóseý josparlanýda» delingen TJD habarlamasynda.
Sınoptıkter búgin de óńirde nóser jańbyr jaýady degen boljam jasap otyr.