Almaty ÁKK-niń enshiles uıymy "Almaty Finance" JSHS "Almaty Business-2025" kásipkerlikti damytý baǵdarlamasyn iske asyrý sheńberinde shaǵyn ónerkásip parkin (SHÓP) salý jónindegi kezekti onynshy jobany qarjylandyrdy.
Shaǵyn ónerkásip parki – bul shaǵyn jáne orta bıznes óndiristerin iske qosýǵa arnalǵan aýmaq, onda kásipkerlerge komýnıkasıalary júrgizilgen daıyn oryn-jaılar beriledi.
Jańa SHÓP "Corporation M&A" JSHS-men qalanyń ónerkásipti damytý úshin arnaıy bólingen aýmaǵy - Almatynyń ındýstrıalyq aımaǵynda salynatyn bolady, dep habarlaıdy almaty-akshamy.kz.
Jobany iske asyrý merzimi - 2025 jylǵy qańtar. SHÓP eki óndiristik ǵımarattan turady. Obektilerdiń jalpy aýdany shamamen 3,2 myń m2 quraıdy.
"Osyndaı mańyzdy ınfraqurylymdyq obektiniń qurylysyn qoldaý SHOB-ty óndiristi iske qosýǵa daıyn jerde ornalastyrýǵa múmkindik beredi. Alańdar bızneske jeńildetilgen sharttarmen jalǵa beriledi – m² úshin 1 350 teńgege deıin. Sondaı-aq olardy m² úshin 180 000 teńge baǵamen keıinnen satyp alýǵa jol beriledi. Jańa SHÓP-te shamamen 300 jańa jumys ornyn ashatyn 5 kásiporyn jumys isteı alady dep kútilýde", - dep atap ótti "Almaty Finance" JSHS Basqarma Tóraǵasy Aıǵanym Súleeva.
"Almaty Finance" JSHS Almatydaǵy SHOB sýbektilerine jyldyq 2%* nemese 6%* mólsherleme boıynsha jeńildikti qarjylandyrýdy usynatynyn atap ótemiz. Nesıeleýdiń maqsaty - jańa óndirister qurý jáne aınalym qarajatyn tolyqtyrý. Qaryzdyń eń joǵary somasy – 500 mln teńge. Merzimi-7 jylǵa deıin.
Almaty Finance nesıeleý baǵdarlamasy "Almaty Business-2025" aıasynda júzege asyrylady.
Tolyǵyraq "Almaty Finance" JSHS týraly +7 (727) 222-01-50 nómiri boıynsha nemese https://almatyfinance.kz/ saıtynan bilińiz.
Jyldyq tıimdi syıaqy mólsherlemesi jeke esepteledi