Erevanda ótken kelissózder barysynda Qazaqstan Prezıdenti Qasym-Jomart Toqaev pen Armenıa Premer-mınıstri Nıkol Pashınán Ońtústik Kavkazda turaqtylyq pen qaýipsizdikti qamtamasyz etý máselesine aıryqsha nazar aýdardy, dep habarlaıdy almaty-akshamy.kz.
«Memleket basshysy Armenıa men Ázerbaıjannyń beıbit kelisim jasaý jónindegi qadamdaryn joǵary baǵalady. Osy oraıda Qazaqstan Prezıdenti Erevan men Baký arasynda tezirek berik ári uzaqmerzimdi beıbitshilik ornaǵany mańyzdy dep atap ótti. Sondaı-aq kelissózder úshin Qazaqstan óz alańyn usynýǵa daıyn ekenin málimdedi», - delingen habarlamada.
Beıbitshilik pen kelisimge naqty kelissózder arqyly qol jetkizýdi jaqtaıtyn Qazaqstannyń bul baǵyttaǵy barlyq is-áreketti qoldaýǵa ázir ekeni aıtyldy. Taraptar Armenıa men Ázerbaıjan arasyndaǵy ýaǵdalastyqtardy naqty júzege asyrý múmkindikterin qarastyrýǵa kelisti.