Qasym-Jomart Toqaev shaǵyn jáne orta kásipkerliktiń damý áleýetine oń baǵa berdi.
Keńes barysynda Almaty ekonomıkasyn ártaraptandyrý máseleleri talqylandy, dep habarlaıdy Almaty-akshamy.kz.
Keltirilgen málimetterge sáıkes 2022 jyldyń ózinde Almaty memlekettik búdjetke tórt trıllıon teńgeden astam qarjy quıdy. Qaladaǵy salyq túsimderiniń basym bóligi shaǵyn jáne orta bıznestiń tólemderine tıesili.
Prezıdent megapolıstegi bıznes-ahýaldy jaqsartý úshin júıeli sharalar qabyldaý jóninde mindet júktedi. Qasym-Jomart Toqaevtyń pikirinshe, jeke kapıtaldy tartý, kásipkerlikti damytý baǵdarlamasyn kúsheıtý, jańa kólik-logıstıkalyq ortalyqtaryna qoldaý kórsetýdiń tyń sharalaryn qarastyrý, kreatıvti ındýstrıa, týrızm salalaryn damytý Almaty ekonomıkasyna tyń serpin berýge tıis.