15 sáýirdiń keshinen 17 sáýirdiń tańyna deıin Almaty qalasynda úzilissiz jańbyr túrinde jaýyn-shashyn bolady dep kútilýde.
Qalanyń komýnaldyq qyzmetteri qalanyń sý burý júıelerin aldyn ala tekseredi, sý qabyldaý torlaryn, aryq júıeleri men qudyqtardy tazartý jumystaryn júrgizedi, dep habarlaıdy Almaty-akshamy.kz Almaty qalasynyń komýnaldyq ınfraqurylymdy damytý basqarmasyna silteme jasap.
Aryq jelileri men aryq ótkelderin tazalaý boıynsha josparly jumystarǵa 320 jumysshy jáne 88 birlik arnaıy tehnıka jumyldyryldy. Kún saıyn aryq jelisinen shamamen 250 m3 smeta, laı jáne qoqys shyǵarylady.
Sý basýdyń aldyn alý jáne jekelegen ýchaskelerde sýdyń kedergisiz ótýin qamtamasyz etý úshin jaýyn-shashyn kezinde motopompalarmen, bagrlermen jáne basqa da qajetti quraldarymen jabdyqtalǵan 52 jedel mobıldi brıgadanyń kezekshiligi uıymdastyrylatyn bolady jáne 2,3 myń qap qum daıyndaldy.
Túngi kezeńde 236 birlik arnaıy tehnıkany, 28 motopompany jáne 215 jol jumysshysyn tartý josparlanýda. Qajet bolǵan jaǵdaıda qosymsha 150 birlik tehnıka men 200 jumysshy jumyldyrylady.
Aýa-raıynyń buzylý saldarynan júrgizýshiler aǵashtardyń qulaý qaýpi men elektr jelileriniń úzilýine baılanysty avtomobılderdi jol jıekterine qoımaǵandary jón. Sý basyp qalýdyń aldyn alý úshin qala turǵyndarynan aryqtardy, nóser aǵyndary men kanaldardy qaldyqtarmen bitep tastamaýdy suraımyz. Sý basqan nemese ýaqytsha sý jınalǵan jaǵdaıda aýdan ákimdikterine habarlaýǵa nemese +7 706 689 8898. what's app nómirine habarlama jazýǵa bolady.