Dúnıejúzinde balalardyń 25 paıyzdan astamy, dáliregi, 440 mıllıonǵa jýyq bala toıyp tamaqtanbaıdy.
Sonymen qatar, olardyń 180 mıllıony azyqtyń eki túrinen aspaıtyn dámdi qanaǵat tutynýyna týra keledi, dep habarlaıdy Almaty-akshamy.kz Islam.kz-ke silteme jasap.
Búkil álemdik balalar quqyǵyn qorǵaý uıymynyń bekitken talaptaryna sáıkes bala qalypty jetilýi úshin 5 jasqa deıingi emshek sútin, jarmany, ásirese, A dárýmenine baı jemis-jıdek pen kókónisterdi, jańǵaqtardy, sút ónimderin, balyq, taýyq jáne et ónimderin tutynýy kerek.
«Toıyp tamaqtanbaıtyndardyń jartysyna jýyǵyn quraıtyn, eki túrli taǵamdy ǵana tutynatyn balalar olardyń damýyna áser etetin, tipti, ólimge ákelýi múmkin ashtyq azabyn tartýy múmkin. Bulaı ósken bala áljýaz bolyp keledi, jarytyp bilim almaıdy, sonyń kesirinen keıin jalaqysy tómen jumysqa ornalasady, bul kedeılik sıkliniń kelesi urpaqta qaıtalanýyn týdyrady. Mı men júrektiń, ımýndyq júıeniń durys jumys isteýi adam as arqyly tutynatyn dárýmender, mıneraldar men aqýyzǵa baılanysty», - dep málimdedi IýNISEF basshysy Ketrın Rassel.
Ashqursaq balalar qarasy 20 elde kóp, sonyń ishinde, ashtyq azabyn tartqan balalardyń 90 paıyzy Gaza sektorynda, odan keıingi orynda Somalı, Gvıneıa, Gvıneıa-Bısaý jáne Aýǵanstan tur.