Gúlderdiń túsi kóbinese jasyl-qońyr
Almaty botanıkalyq baǵynda 1989 jyldan beri dárilik ósimdik – medısınada keńinen qoldanylatyn Seversov korólkovıa ósimdigi ósip jatyr, dep habarlaıdy Almaty-akshamy.kz.
Qazaqstan terıtorıasy dárilik ósimdikterge baı. Olardyń arasynda resmı medısınada qabyldanǵan, halyq medısınasynda keńinen qoldanylatyn ósimdikter de bar. Solardyń biri – Ortalyq Azıanyń endemıgi Seversov korólkovıa. Olar taý eteginde, sazdy jáne tasty betkeılerde ósedi.
Botanıkalyq baqtyń málimetinshe, Seversov korólkovıa (lat. Fritillaria sewerzówii) lalagúldiler tuqymdasynyń Rábchık túrine jatady, kóp jyldyq shóptesin ósimdik. Ósimdik áýesqoı botanık Nıkolaı Korólkov esimimen atalady, al túriniń ataýy reseılik zoogeograf jáne ekolog Nıkolaı Seversovtyń qurmetine berilgen.
«Seversov korólkovıa bıiktigi 25-50 sm jetedi. Sabaǵy túzý, jalańash, qalyń, balama japyraqtary bar, olar kókshil gúlmen jabylǵan. Gúlshoǵyry – kóptegen qońyraý tárizdi salbyraǵan gúlderi bar. Tómen jaqtaǵy gúlderi úlkendeý, uzyndyǵy 2,5 sm-ge deıin, qos jynysty, ústińgileri stamınaldy bolady. Gúlderdiń túsi kóbinese jasyl-qońyr, keıde qara-qońyr nemese altyn-sary bolady. Quramynda 40% deıin krahmal jáne 1% alkaloıdtary bar. Qazaq, ózbek halyq medısınasynda adamnan ter shyǵaratyn ósimdik retinde qoldanylyp keledi», - dep habarlady zoobaqtyń ujymy.
Qazirgi ýaqytta Seversov korólkovıa botanıkalyq baqtyń dárilik ósimdikterdi jınaý aımaǵynda ósedi. Botanıkalyq baqta alǵash ret ol 1989 jyly egilgen bolatyn.