Saǵat 15.00-de bastalatyn kúndizgi sesıada alǵashqy bolyp Sanjar Táshkenbaı shyǵady
Tashkentte erler arasynda bokstan ótip jatqan álem chempıonatynda búgin bes qazaqstandyq sportshy jartylaı fınalda óner kórsetedi, dep habarlaıdy Almaty-akshamy.kz QazAqparatqa silteme jasap.
Qazaqstandyqtardan Astana ýaqytymen saǵat 15.00-de bastalatyn kúndizgi sesıada alǵashqy bolyp Sanjar Táshkenbaı shyǵady.
Sanjar asa jeńil salmaqta Reseıdiń tórt dúrkin chempıony Edmond Hýdoıanmen qolǵap túıistiredi.
İle-shala Mahmud Sabyrhan 54 kelige deıingi salmaqta 2017 jylǵy álem chempıony ári eki márte júldegeri, kýbalyq Iosvanı Veıtıamen fınalǵa shyǵý úshin talasady.
Dýlat Bekbaýovqa (67 kg) grýzıalyq Lasha Gýrýlı qarsy turmaq.
Saǵat 19.00-de bastalatyn keshki sesıada ulttyq qurama kapıtany Aslanbek Shymbergenov (71 kg) úndistandyq Nıshant Devten ótýge tyryspaq. Al Nurbek Oralbaı (80 kg) Tokıo olımpıadasynyń qola júldegeri, reseılik Imam Hataevpen judyryqtasady.
Eske sala keteıik, budan buryn qytaı qazaǵy Toqtarbek Tańathannyń eki dúrkin olımpıada jeńimpazyn utqanyn jazǵan bolatynbyz.
Sondaı-aq Sanjar Táshkenbaı bokstan álem chempıonatynyń jartylaı fınalyna ótti.
Qansha qazaqstandyqtyń 1/2 fınalǵa ótkeni belgili boldy.