Almaty ákimi otandyq óndirýshilerdiń ULTTYQ ÓNIM kórmesine qatysýshylardy quttyqtady
Qala basshysy osyndaı aýqymdaǵy is-sharany, otandyq óndirýshilerdiń jyl saıynǵy «Ulttyq Ónim» kórmesin ótkizý – Almaty men jalpy el úshin mańyzdy oqıǵa ekenin tilge tıek etti, dep habarlaıdy Almaty-akshamy.kz.
«Almaty – bıznes jáne kapıtal ortalyǵy. Búginde shaǵyn jáne orta bıznes qalalyq jumyspen qamtýdyń 87% (2022 jyly 998 myńnan 868,5 myń) úlesin ala otyryp, qalalyq ekonomıkanyń 57,5% qalyptastyrady. 2022 jyly SHOB sýbektileriniń ónim shyǵarý kólemi 15,7 trln teńgege jetip, 31,1% ósimdi kórsetti, - dedi qala ákimi E.Dosaev óz sózinde.
SHOB kásipkerlik bastamasynyń arqasynda búginde qala el ekonomıkasynyń besten bir bóligin (2022 jyly 18,5%) jáne Qazaqstannyń memlekettik búdjeti kiristeriniń tórtten birin qamtamasyz etedi.
Bıyl jyl basynan bastap megapolıste iskerlik belsendiliktiń aıtarlyqtaı ósýi baıqalady. Osy jyldyń birinshi toqsanynda iskerlik belsendilik ındeksiniń deńgeıi boıynsha (57,9%) Almaty Qazaqstan óńirleri arasynda birinshi orynǵa shyqty. Qysqa merzimdi ekonomıkalyq ındıkator 23,9%-ǵa deıin ósti.
«SHOB damytý árqashan bizdiń nazarymyzda. Bıyl memlekettik jáne qalalyq baǵdarlamalar aıasynda basym baǵyttaǵy 3 myńnan astam jobany qoldaý úshin 44 mlrd.teńge bólindi. Qurmetti qatysýshylar men qonaqtar! Otandyq óndirýshilerdiń jyl saıynǵy «Ulttyq Ónim» kórmesi Qazaqstanda 7 ret, Almatyda birinshi ret ótkiziledi. Biz sizdermen kelesi jyly da kezdesemiz dep úmittenemin. Búginde kórmege Qazaqstannyń barlyq óńirinen ekonomıkanyń túrli salasyndaǵy 300-den astam otandyq kompanıa qatysady. Sizderge jemisti ári syndarly kezdesý, jańa kelisimshart jasaýlaryńyzdy jáne bizdiń súıikti Almaty qalasynda ýaqytty jaqsy ótkizýlerińizge shyn júrekten tilektespin»! - dedi Almaty ákimi E.Dosaev.