Alataý aýdanyndaǵy Almaty ındýstrıalyq aımaǵynyń óndiristik kásiporyndary «Almaty – bizdiń ortaq úıimiz» naýqanyna belsendi qatysty.
Naýqan aıasynda jumys istep turǵan kásiporyndar men shaǵyn ónerkásip parkteriniń qyzmetkerleri óz nysanynyń aýmaǵyn jalpy tazalaý jáne abattandyrý jumystaryn júrgizdi, dep habarlaıdy Almaty-akshamy.kz.
İs-sharaǵa «Almaty ındýstrıalyq aımaǵy» JSHS, «Bıjan» EÓZ, «Kazakhstan Mobility Engineering» JSHS, «Vehicles Almaty» JSHS, «AvtoPlastTehnolodjı» JSHS, «Astana Motors Engineering» JSHS, «Álem Tynysy» JSHS, «ADS Industries» JSHS, «Alatau Industrial Park», «Le porte M» JSHS, «Astana Motors Manufacturing Kazakhstan» JSHS jáne basqalar.
Jumys aıasynda zaýyttar men nysandardyń ishki jáne irgeles aýmaqtary qoqystan, shúberekterden jáne óndiristik qaldyqtardan tazartyldy, qurylystar men ǵımarattardyń terezeleri men vıtrınalary, avtomobıl joldary men ortalyqtandyrylǵan sýmen qamtý men sý burýdyń qurylymdyq nysandary kirden jáne shańnan tazartyldy, ishki jáne irgeles kógaldandyrý alańdary retke keltirildi.
«Almaty - bizdiń ortaq úıimiz» naýqany 8 sáýirde bastalyp, 8 mamyrǵa deıin jalǵasady. Árbir turǵyn megapolısti damytýǵa jáne kórkeıtýge úles qosa alady.
Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarıalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.