Almaty qalasynyń mamandary sý tasqynyna qarsy kúres kezinde 243 tehnıka jumyldyryp, Batys Qazaqstan oblysyndaǵy qaýipti aýmaqtarǵa 23,5 km bóget saldy.
Qajetti arnaıy tehnıkamen jaraqtanǵan Almatydan kelgen mamandar bir aptadan astam ýaqyt boıy Batys Qazaqstan oblysyndaǵy sý tasqyny bolyp jatqan jergilikti atqarýshy organdarǵa kómek kórsetip keledi, dep habarlaıdy Almaty-akshamy.kz.
Almaty ákimdigine bekitilgen Báıterek aýdanynyń 11 aýylynan basqa (Ianvarsevo, Krasnoarmeıskıı, Spartak, Rýbejnyı, Ozernyı, Darınsk, Volodarskoe, Baıqońys, Aqsýat, Kóshim, Ianaıkıno) sondaı-aq Jaıyq kenti de senip tapsyryldy.
Qazir aýdanda Almaty ákimdigi usynǵan 243 tehnıka jumyldyrylǵan, 76 200 sharshy metr arnaıy sý ótkizbeıtin materıal (geotekstıl) bar.
Almatydan tehnıkany jóneltý beınejazbasy (https://www.instagram.com/reel/C5tMLznomL3/?utm_source=ig_web_copy_link&igsh=MzRlODBiNWFlZA==)
Jedel shtab qyzmeti bastalǵaly sý tasqyny qaýpi joǵary 6 kentte barlyǵy 23,5 km bóget salyndy, sý shaıyp ketý qaýpi bar aýmaqtardy nyǵaıtý boıynsha jumystar júrgizilip jatyr. Keı jerde Almatydan kelgen mamandar jergilikti jáne ortalyq memlekettik organdardyń bóget salý kezinde jibergen tehnologıalyq qatelikterin túzetti.
- Ianvarsevo kentinde uzyndyǵy 6,5 km, bıiktigi 3-ten 4,5 m-ge deıingi topyraqtan bóget turǵyzyldy. Sý tolqynynyń yqtımal soqqysy baǵytynda uzyndyǵy 600 m jáne bıiktigi 6 m-ge deıin topyraqtan bóget turǵyzyldy, qurylymnyń búkil enine geotekstıl tóseý jalǵasyp jatyr. Jumys 90% aıaqtaldy.
- Rýbejınskoe aýylynda uzyndyǵy 3 km, bıiktigi 3-ten 5 m-ge deıingi topyraqtan bóget salyndy, bógettiń shyǵys jáne batys bólikterin qosý jumystary júrgizilýde, araqashyqtyq shamamen 800 m. Bógetti nyǵaıtý jalǵasyp jatyr.
- Darınskoe aýylynda kent boıynda Nurpeıisova kóshesi boıynda uzyndyǵy 1,4 km, bıiktigi 6 metrden, tabanynyń eni 10 metr bóget turǵyzyldy. Bekinis úshin bógettiń syrt jaǵyna qum salynǵan qaptar tóselgen. Ozernaıa kóshesi boıynda uzyndyǵy 1 km bógetti nyǵaıtý jumystary júrgizilip jatyr, sondaı-aq jaǵalaý boıynda uzyndyǵy 0,7 km bóget salynyp jatyr. Úsh bógettiń jalpy uzyndyǵy 3,1 km.
- Volodarskoe aýylynda kent boıynda uzyndyǵy shamamen 2,1 km, bıiktigi 3-ten 5 m-ge deıingi topyraqtan bóget turǵyzyldy.
- Baıqońyr kentinde uzyndyǵy shamamen 4 km, bıiktigi 3-ten 4 m-ge deıingi topyraqtan bóget turǵyzyldy.
- Ozernoe aýyly kenttiń shyǵys jaǵynan uzyndyǵy shamamen 2,7 km, bıiktigi 2-den 4 m-ge deıin, tabanynyń eni 4-ten 7 m-ge deıin, sóreniń eni 2-den 4,5 m-ge deıin topyraqtan bóget turǵyzyldy.
Sonymen qatar, tehnıka Oral qalasynyń mańynda ornalasqan Jaıyq kentine jiberildi. Bul aýylda buryn ózderiniń kúshimen uzyndyǵy 1,7 km, bıiktigi 1-den 1,5 m-ge deıingi topyraqtan bóget turǵyzylǵan. Kentti qorǵaýdy kúsheıtý úshin uzyndyǵy 3 km-ge deıin, bıiktigi 2 m-ge deıin, eni 7 m-ge deıin, geotekstıldi qoldana otyryp, doǵaly pishindi ekinshi topyraqtan bóget salý týraly sheshim qabyldandy.
Aıta ketetin nárse, jedel jaǵdaıǵa baılanysty arnaıy tehnıka basqa kentterge jiberiledi.
Almatylyq mamandardan qurylǵan jedel shtab óz jumysyn Batys Qazaqstan oblysyndaǵy jaǵdaı qalypqa kelgenshe jalǵastyrady.