Halyqaralyq balalardy qorǵaý kúni qarsańynda ońtústik astanada Almaty qalasy bilim basqarmasynyń uıymdastyrýymen alǵash ret 2022 jylǵy 5 mamyrdan bastap «Almaty BALAFEST» qalalyq balalar festıvali bastaý alady, dep habarlaıdy Almaty-akshamy.kz.
Festıváldiń maqsaty - balalardyń shyǵarmashylyq, zıatkerlik qabiletterin damytý jáne qoldaý, olardy belsendi demalys pen sportqa tartý; qalada merekelik atmosfera qurý.
Jalpy 300 myńnan astam bala qamtylady.
Festıvál aıasynda 7 qalalyq baıqaý uıymdastyrylady, oǵan erekshe bilim berý qajettilikteri bar balalar da qatysady:
- «Juldyzdy sát» (mýzykalyq shyǵarmashylyq jáne horeografıa)
- «Open Air Sport» (Sport jáne salaýatty ómir salty)
- «Boıaýlar qupıasy» (beıneleý óneri)
- «Hakaton - IT Universe» (IT, drondar jáne robototehnıka)
- «Ónerli bala» (sándik-qoldanbaly óner)
- «Kitap-bilim bulaǵy» (ádebı oqý)
- «Jasyl Almaty» (Ekologıa jáne qorshaǵan orta)
«Senim», «Aıala», «Shapaǵat» medısınalyq-áleýmettik mekemelerindegi, «Keńes» ońaltý ortalyǵyndaǵy erekshe bilim alýǵa qajettiligi bar balalar úshin 5 baǵyt boıynsha is-sharalar uıymdastyrylady: «Aspaz» (aspazdyq óner), «Sporttyq doda» (sporttyq jarystar), «Túster álemi» (beıneleý óneri), «Sheber balaqaı» (sándik-qoldanbaly óner), «Ásem tabıǵat» (mádenı sharalar). Barlyǵy 600 bala qamtylmaq.
Qalalyq konkýrstar 3 kezeńde ótedi: mektep kezeńi – 5 mamyrdan 14 mamyrǵa deıin; aýdandyq kezeń – 16 mamyrdan 24 mamyrǵa deıin; qalalyq kezeń – 26 mamyrdan 28 mamyrǵa deıin.
1 maýsymnan bastap qalanyń barlyq aýdandaryndaǵy 11 alańda múltfılm keıipkerleri, komıkster men ertegi keıipkerleriniń qatysýymen balalarǵa arnalǵan mádenı-oıyn-saýyq baǵdarlama ótedi. Alańdarda tanymdyq oıyndar, kórneki sporttyq is-sharalar, sheberlik synyptar, kórmeler jáne basqa da kóptegen oıyn-saýyqtar uıymdastyrylady. Merekelik konserttik baǵdarlamaǵa daryndy balalar men qazaqstandyq estrada juldyzdary qatysady. Alǵash ret balalar merekesi úshin arnaıy jazylǵan festıvál ánurany shyrqalady.
«Almaty BALAFEST» balalardyń demalysyn uıymdastyrý jáne saýyqtyrý boıynsha jazǵy maýsymnyń ózindik bastamasy bolady.
Baılanys tel: +7 (727) 255-83-05, 87754191880.