Bıyl kórshi eldiń tótenshe jaǵdaılar mınıstrliginen H 215 evrokopterine tapsyrys túsken.
Zaýyt basshynyń aıtýynsha, Qyrǵyzstanǵa osyndaı evrokopterdiń beseýi jetkiziledi. Al elimizdiń tótenshe jaǵdaılar vedomstvosynyń áýe parkinde 30-dan astam áýe kemesi bar, dep habarlaıdy Almaty-akshamy.kz Onyń ishinde izdestirý-qutqarý jumystaryna, sanıtarlyq avıasıa, patrúldik qyzmetke jáne ormandy qorǵaý jumystaryna paıdalanylatyn 15 tikushaq bar.
"Ótken jyly biz borttardyń 6 aýyr klasyn aldyq. Bul Qazaqstan aýmaǵynda shyǵarylatyn MI-8. Ol ózimizde qurastyrylady. Aldaǵy eki jylda MI-8 klasyndaǵy taǵy 5 tikushaq satyp alýdy josparlap otyrmyz. Jeńil jáne aýyr klastaǵy túrli tehnıka ne úshin qajet? Óıtkeni jaqyn qashyqtyqqa ushý úshin ol tez kóteriledi, oǵan qosa evrokopterdi paıdalaný arzanyraq. Al MI-8, MI-26 tikushaqtary ormandy dala órtterin sóndirýge arnalǵan aýyr tikushaqtar. Áýe parki damyp keledi", - deıdi QR Tótenshe jaǵdaılar mınıstri Iýrıı Ilın.