40 úzdik basshy men ádisker Malaızıa, Qytaı, Polsha jáne Germanıanyń jetekshi bilim berý mekemelerinde taǵylymdamadan ótedi6 dep habarlaıdy aqshamnews.kz.
Mundaı múmkindik 2025 jylǵa deıingi megapolısti damytýdyń Jol kartasy aıasynda Almaty ákimdigi júzege asyratyn qalalyq mektepke deıingi uıymdar mamandarynyń biliktiligin arttyrý baǵdarlamasy boıynsha usynylyp otyr.
23-27 qyrkúıek aralyǵynda FACETS tehnologıasy sıaqty pedagogtardyń jumysyn baǵalaýdyń ınovasıalyq ádisterimen tanysý jáne AQSH-ta qoldanylatyn Montessorı júıesiniń ereksheligin zertteý boıynsha sheteldik sarapshylardyń qatysýymen dárister, sheberlik saǵattary men vorkshoptar ótedi.
Qytaı men Malaızıadaǵy taǵylymdama aıasynda úzdik ádiskerler tárbıelenýshilerdiń oqý jetistikterine baǵyttalǵan oqý baǵdarlamalarymen tanysa alady. Maqsat qoıý jáne tıimdi oqytýǵa yqpal etetin bilim berý ortasyn uıymdastyrý ádisterine, sondaı-aq muǵalimderdi daıarlaý baǵdarlamalaryna basty nazar aýdarylady.
Polsha men Germanıada mektepke deıingi bilim berýdegi ınklúzıvti tásil modeline jáne strategıalaryna kóńil bólinedi. Sonymen qatar, qatysýshylar mektepke deıingi bilim berý salasyndaǵy pedagogterdiń kásibı damýy men biliktiligin arttyrýǵa mamandanǵan jetekshi bilim berý ortalyǵy bolyp tabylatyn Fröbel mektepke deıingi mekemesinde «taǵylymdama kúnin» ótkizý múmkindigine ıe bolady.
Aıta keteıik, mektepke deıingi uıymdar mamandarynyń biliktiligin arttyrý jobasy 2023 jyly bastalyp, 2305 balabaqsha pedagogyn qamtydy. Bıyl 5 tamyzdan bastap mektepke deıingi uıymdardyń bes sanatyndaǵy 440 qyzmetker úshin oqý bastaldy.
Almatynyń mektepke deıingi mekemeler mamandarynyń biliktiligin arttyrý baǵdarlamasy pedagogterdiń kásibı daǵdysyn damytý arqyly bilim berý júıesin jańǵyrtýǵa baǵyttalǵan. Bul óz kezeginde qaladaǵy mektepke deıingi bilim berý sapasyn aıtarlyqtaı arttyryp, balalardyń jan-jaqty damýyna qolaıly jaǵdaı jasaýǵa múmkindik beredi.