Almaty qalasy Memlekettik aktıvter basqarmasynyń basshysy bolyp Erkinbek Ámirǵalıev taǵaıyndaldy, dep habarlaıdy aqshamnews.kz
Almaty ákimi Erbolat Dosaevtyń ókimimen Almaty qalasy Memlekettik aktıvter basqarmasynyń basshysy bolyp Erkinbek Rahymbaıuly Ámirǵalıev taǵaıyndaldy.
Erkinbek Ámirǵalıev 1981 jyly 4 aqpanda dúnıege kelgen. 2003 jyly Ál-Farabı atyndaǵy Qazaq ulttyq ýnıversıtetin, 2008 jyly Qazaqstan Respýblıkasy Prezıdentiniń janyndaǵy Memlekettik basqarý akademıasyn bitirgen. Zańger, quqyqtaný magıstri mamandyǵy boıynsha. Aǵylshyn jáne fransýz tilderin biledi.
Erkinbek Ámirǵalıev memlekettik organdarda aıtarlyqtaı jumys tájirıbesine ıe. Onyń eńbek joly 2004 jyly Almaty qalasy Jetisý aýdanynyń №2 aýdandyq sotynyń sot otyrysy hatshysynyń m.a. laýazymynan bastaldy. Keıingi jyldary Ádilet mınıstrliginde, Densaýlyq saqtaý mınıstrliginde, Eńbek jáne halyqty áleýmettik qorǵaý Mınıstrliginde, sondaı-aq QR Joǵarǵy Sotynda birqatar negizgi laýazymdardy atqardy.
Sońǵy jyldary Erkinbek Ámirǵalıev Almaty qalasy Eńbek ınspeksıasy basqarmasynyń basshysy qyzmetin atqardy.