Onyń ishinde 11 bala bar.
Almatyda bir táýlikte 15 adam koronavırýs juqtyrdy. Onyń 11-inde sımptom bar, 4-eýinde aýrý belgileri joq, dep habarlaıdy Almaty-akshamy.kz.
«9 adam jazylyp shyqsa, 11 adam aýrýhanaǵa jańadan tústi. 400 tósek-oryndyq ınfeksıalyq stasıonarlarda 96 adam jatyr, onyń ishinde 11 bala bar. Jalpy reanımasıa jáne qarqyndy terapıa bólimshesinde 10 adam jatyr»,- delingen Almaty qalalyq qoǵamdyq densaýlyq saqtaý basqarmasynyń baspasóz qyzmetiniń habarlamasynda.
4 naýqas jasandy tynys alý apparatyna qosylǵan. High flow-da 2 apparat jumys isteıdi.
Medısınalyq-sanıtarıalyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 181 naýqas bar. Onyń ishinde jeńil jáne ortasha aýyr jaǵdaıda – 164 naýqas, sımptomsyz 17 naýqas bar.