Almatyda 119 vaksınalaý pýnkti jumys isteıdi.
Almatyda bir táýlikte 3 521 turǵyn koronavırýsqa qarsy vaksına aldy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy Almaty-akshamy.kz QazAqparatqa silteme jasap.
«9 aqpan kúni 3 521 almatylyq vaksına saldyrdy. Vaksına saldyrǵandar sany boıynsha Almaty qalasy aldyńǵy orynda. Ótken jyldyń 1 aqpany men bıylǵy 9 aqpan aralyǵynda qalada 1 078 369 turǵyn vaksınanyń birinshi komponentin, 1 041 775 adam ekinshi komponentin saldyrǵan. Onyń ishinde 124 282 adamnyń jasy 60-tan asqan», - dep habarlady basqarmadan.
Búgingi tańda Pfizer (Comirnaty) kompanıasynyń ekpesin 47 463 adam saldyrdy. Onyń ishinde 2 451 júkti áıel, bala emizetin 10 456 ana jáne 34 556 jasóspirim bar.
«Búgingi tańda qalada medısınalyq uıymdarda 119 vaksınalaý pýnkti jumys isteıdi. 140 vaksınalaý brıgadasynda 520 medısına qyzmetkeri jumyldyryldy», - dep atap ótti Almaty qalasy qoǵamdyq densaýlyq basqarmasynyń baspasóz qyzmeti.