Almaty áýejaıynda halyqaralyq reıs barysynda qoǵamdyq tártipti buzǵan jolaýshy ustaldy.
28 mamyr kúni Seýl–Almaty baǵytyndaǵy áýe reısinde Túrkistan oblysynyń 23 jastaǵy turǵyny ushý kezinde tártipke baǵynbaı, ushaq bortynda beıádep sózder aıtyp, ekıpaj músheleriniń zańdy talaptaryn oryndaýdan bas tartqan, dep habarlaıdy aqshamnews.kz.
Polisia.kz málimetinshe, jolaýshy dóreki is-áreketin ushaq qonǵannan keıin, Almaty áýejaıyndaǵy jelilik polısıa bóliminiń qyzmetkerleri aralasqan soń ǵana qoıǵan.
Ol qoldanystaǵy zańnamaǵa sáıkes ustalyp, jaýapqa tartyldy. Áýe kompanıasy ókilderi quqyq buzýshynyń áreketterin arnaıy aktimen rásimdedi. Nátıjesinde azamatshaǵa qatysty shara qoldanyldy. Kóliktegi polısıa departamentiniń dereginshe, jyl basynan beri áýe reısteri kezinde jasalǵan túrli quqyqbuzýshylyqtar boıynsha 207 adam jaýapqa tartylǵan.
Olardyń ishinde 127 jaǵdaı – qoǵamdyq oryndarda mas kúıinde bolý jáne ishimdik ishý, 50 – ushaqta temeki shegý, 13 – usaq buzaqylyq, qalǵandary – ózge de tártip buzýshylyqtar. Polısıa jolaýshylardan ushý kezinde ekıpajdyń talaptaryn múltiksiz oryndaýdy jáne borttaǵy tártip erejelerin saqtaýdy suraıdy, óıtkeni mundaı áreketter búkil reıstiń qaýipsizdigine qaýip tóndirýi múmkin.