Qazaqstandyqtardyń elektrondyq poshtasyna «Qazposhta» atynan hattar kelip túsýde. Onda «qoımada sálemdeme jatyr, biraq «meken jaı jazylmaǵandyqtan nemese tolyq bolmaǵandyqtan ony jetkizý múmkin emes» delingen. Stopfake.kz saıty bul aqparattyń ótirik ekenin málimdeıdi, dep habarlaıdy aqshamnews.kz.
«Qazposhta» baspasóz qyzmeti óziniń Instagram-daǵy resmı paraqshasynda alaıaqtar týraly eskertedi.
«Sońǵy kezderi qazaqstandyqtar «Qazposhta» atynan kezdeısoq elektrondyq poshta meken jaılarynan kelgen kúmándi SMS-habarlamalar alýda. Onda «meken jaıdaǵy durys kórsetilmegen, sálemdemeńiz 24 saǵattan keıin qaıtarylady» degen mazmundaǵy mátinder jazylyp, kúmándi siltemeler jiberiledi.
Bul – alaıaqtyq jolen taratylǵan habarlamalar», – delingen «Qazmoshta» habarlamasynda.
QR ulttyq poshta baılanys operatory eshqashan meken jaıdy úshinshi tarap siltemeleri arqyly rastaýdy talap etpeıdi.
«Mundaı habarlamalarda kórsetilgen saıttar «Qazposhtaǵa» tıesili emes. Kúmándi siltemelerge ótpeńiz jáne derekterińizdi engizbeńiz. Eger osyndaı habarlama alsańyz, dereý óshirip, eshqandaı áreket jasamańyz», – deıdi «Qazposhta» ókilderi.
Qosymsha aqparat alý úshin 1499 nómiri boıynsha «Qazposhtanyń» resmı baılanys ortalyǵyna habarlasýǵa bolady.