Almaty halyqaralyq áýejaıyna keletin barlyq reıs jolaýshylarynyń densaýlyǵy suralyp, termometrıadan tekserýden ótedi.
Bul týraly Almaty qalalyq qoǵamdyq densaýlyq basqarmasy basshysynyń orynbasary Laýra Myrzaǵalı Óńirlik komýnıkasıalar qyzmetinde ótken baspasóz konferensıasynda málimdedi, dep habarlaıdy Almaty-akshamy.kz.
L. Myrzaǵalıdyń aıtýynsha, epıdemıologıalyq baqylaýdyń kúsheıtilgen is-sharalary shetelden keletin ushaqtar men charterlik reısterde birdeı júrgiziledi.
«Áýejaılarǵa tek halyqaralyq qana emes, sonymen qatar ishki reısterdiń tranzıti men kelgen jolaýshylardyń epıdemıologıalyq qadaǵalaýy kúsheıtildi. Feldsherler ushyp kelgen jolaýshylardyń dene qyzýyn ólsheıdi», - dedi QDB ókili.
Ol 2020 jyldyń 6 qazanynan 2021 jyldyń 28 qyrkúıegine deıin Almaty halyqaralyq áýejaıy bortyna 682 768 jolaýshysy bar 4702 reıs kelgenin aıtty. Onyń ishinde 589 920 jolaýshy COVID-19 boıynsha teris nátıjemen keldi, 67 291-de vaksınasıa tólqujaty bar, 25 557 sertıfıkaty joq, eseptik kezeńde 34 sheteldik azamat sertıfıkattardyń joqtyǵynan Qazaqstannan deportasıalandy.
«25 523 adam PTR analızin tapsyrý úshin karantındik aýrýhanaǵa jatqyzyldy. Kelgenderden 125 oń nátıje alyndy, onyń ishinde 37 jolaýshy Túrkıadan, 35 BAÁ-den, 33 Egıpetten, 5 Belarýsten, 7 Ýkraına, 7 Maldıvten, eki Ońtústik Koreıadan jáne bir jolaýshy Malı men Reseı», - dep habarlady L. Myrzaǵalı.
Halyqaralyq jolaýshylar reısine keletin adamdardyń baılanyssyz termometrıasy Almaty halyqaralyq áýejaıynyń aýmaǵynda júrgiziledi. Áýejaı qyzmetkerleri jeke qorǵanys quraldarymen qamtamasyz etilgen. Áýejaı aýmaǵynda mindetti maska rejımi jáne áleýmettik qashyqtyqty saqtaý talaptary bar.
Almaty QDB basshysynyń orynbasary L. Myrzaǵalı qala turǵyndary men qonaqtarynan megapolıs aýmaǵyna kelmes buryn PTR-testileýin júrgizýdi surady.