Almatyda 29 kovıdti aýrýhanada 1788 adam bar
Bul týraly Almaty qalalyq qoǵamdyq densaýlyq saqtaý basqarmasy basshysynyń orynbasary Laýra Myrzaǵalı Óńirlik komýnıkasıalar qyzmetinde ótken baspasóz konferensıasy kezinde málimdedi, dep habarlaıdy Almaty-akshamy.kz.
L. Myrzaǵalı Almatyda 29 qyrkúıektegi jaǵdaı boıynsha koronavırýs ınfeksıasyn juqtyrǵan 167 710 naýqas tirkelgenin habarlady. Sonyń ishinde aýrýdyń belgileri bar 145 009 adam, sımptomsyz 22 701 naýqas, 2372 anyqtalmaǵan pnevmonıa.
«Sońǵy táýlikte koronavırýs ınfeksıasyn juqtyrǵan 426 naýqas tirkeldi. Sonyń ishinde 408 aýrý belgileri bar jáne 18 belgileri joq. Táýliktik ósim 0,2% boldy. Sonymen qatar, juqtyrǵandardyń 89-y zeınetkerler, 57-si mektep oqýshylary, 9-y stýdentter, ekeýi balabaqshaǵa baratyn balalar, taǵy 20-sy uıymdastyrylmaǵan balalar», - dedi L. Myrzaǵalı.
QDB ókili aýrýdyń tómendeýine qaramastan, qaýipti indettiń áli seıilmegenin atap ótti. Sebebi juqpaly aýrýlar aýrýhanalary áli de naýqasqa toly. Búgingi kúni 1788 adam aýrýhanaǵa jatqyzyldy, onyń ishinde 53 bala. Pasıentterdiń 71-i óte aýyr, 855-i aýyr, 862-si ortasha aýyr. Qalada barlyǵy 5 230 tósek-oryn ornalastyrylǵan.
«Reanımasıa bóliminde 179 almatylyq bar, taǵy 35 adam ventılátorǵa qosylǵan, 86 adam ınvazıvti emes jeldetkishte, 51 adam joǵary aǵyndy qondyrǵylarǵa qosylǵan», - dep jalǵastyrdy L. Myrzaǵalı.
Búginde 4448 pasıent AMSK men Telemedısına ortalyǵynyń mobıldi toptarynyń baqylaýynda úıde jatyr, olardyń 159-y sımptomsyz, 4190-y jeńil, 99-y ortasha aýyrlyqta. Naýqastardyń jalpy sanynan 598-y - juqpaly aýrýlar aýrýhanasynan ári qaraı baqylaý jáne oqshaýlaý úshin shyǵarylǵan azamattar.