Qazaqstan İİM Interpol Ulttyq ortalyq búrosy krımınaldyq polısıa qyzmetkerlerimen birlesip, Almaty qalasynyń halyqaralyq áýejaıynda halyqaralyq izdeýde júrgen QHR azamattaryn ustady.
Ustalǵandardyń biri Qytaıdyń quqyq qorǵaý organdarymen izdestirilgen, dep habarlaıdy Almaty-akshamy.kz Polisia.kz-ke silteme jasap.
Ol Harbın qalasy Daolı aýdanynyń bazarynda 100-den astam satýshydan aqsha bopsalaǵan. Qylmysker Vetnamnan shyǵyp, Qazaqstanǵa Katar arqyly kirmek bolǵan.
Al ekinshi er adamdy Saýd Arabıasynyń quqyq qorǵaý organdary Er-Rıad qalasyndaǵy áıgili dúkenderden asa iri mólsherde zergerlik buıymdardy urlaǵany úshin izdeýge jarıalaǵan. Keltirilgen shyǵyn 200 myń AQSH dollarynan asady. Qazirgi tańda qylmyskerler qamaýǵa alyndy, olardy ekstradısıalaý máselesi sheshilip jatyr.