Almaty polısıasy terorızmge qarsy qaýipsizdik sharalaryn kúsheıtýdi eske saldy.
Shaǵyn jáne orta kásipkerlik sýbektilerin tekserýge moratorııdiń aıaqtalýyn eskere otyryp, terorıstik turǵydan osal obektilerdiń, onyń ishinde iri saýda ortalyqtarynyń, ǵıbadat oryndary men qoǵamdyq tamaqtaný nysandarynyń terorızmge qarsy qaýipsizdiginiń jaı-kúıine josparly tekserý júrgizildi.
«Polısıanyń tıisti bólimsheleri terorızmge osal nysandardy, terorızmge qarsy qorǵaýdy baqylaýdy uıymdastyrý baǵytynda turaqty jumys jasap, olardyń basshylary men ıelerine túsindirý jumystaryn júrgizedi. Terorızmge osal nysandardyń ınjenerlik-tehnıkalyq beriktigi men terorızmge qarsy qorǵanysynyń terorızmge qarsy is-qımyl salasyndaǵy zańnama talaptaryna sáıkestigin tekseretin arnaıy jumys toptary quryldy», – dedi Almaty qalalyq polısıa departamenti bastyǵynyń orynbasary Qýatbek Naýatov.
Jaqynda polısıa qyzmetkerleri “Mega Park” saýda ortalyǵyn tekserdi. Atap aıtqanda, ortalyqtyń beınebaqylaý júıeleri, tótenshe jaǵdaılarǵa áreket etý mehanızmi jáne dabyl túımeleri tekseris nysany boldy.
«TQE mekemesiniń árbir qyzmetkeri terorıstik qaýip tóngen jaǵdaıda áreket etý algorıtmin bilýi kerek. Mysaly, kúdikti zat anyqtalsa, ony ustaýǵa, jyljytýǵa, kez kelgen nársemen jabýǵa jáne basqa da áreketter jasaýǵa qatań tyıym salynady. Bul jaǵdaıda sizge tıisti qalalyq qyzmetterdi eskertý kerek. Saýda nysandarynyń dırektorlaryna TQE obektilerin terorızmge qarsy qorǵaý talaptaryn oryndamaǵany úshin ákimshilik jaýapkershilik qarastyrylǵany eskertildi», – dedi Naýatov.