Ony qyzylordalyq oqýshy Roza Sadyq oılap tapqan.
Bul jańalyq «Zerde» respýblıkalyq ǵylymı zertteý jobalary konkýrsynyń respýblıkalyq kezeńinde úzdik dep tanyldy, dep habarlaıdy Almaty-akshamy.kz
Qyzylorda qalasy I.V.Panfılov atyndaǵy №5 mektep-lıseıinde bilim alatyn oqýshynyń bul kestesin kórip, ǵalymdar da tańdanysyn jasyrmapty. Nátıjesinde atalmysh baıqaýda Gran-prı ıegeri atandy.
Qyzylordalyq oqýshy Roza Sadyq matematıkany oqytýdyń ádistemesin jetildiretin jańa matematıkalyq keste oılap tapty. Zertteý jumysynyń júrgizilý nátıjesinde Ulttyq zıatkerlik menshik ınstıtýty talabyna saı jas avtor Roza men jetekshisi Ǵabıden Tólebaıulyna sandyq kýálik berildi. Keste "Roza – ólshem birlikter kestesi" dep resmı ataldy.
"Jobanyń basty jańalyǵy - matematıkalyq ólshem birlikterdi jumys isteýdiń ádistemelik kestesin esepter shyǵarý barysynda qoldaný. Matematıkany oqytýdyń ádistemesin jetildiretin bul jańa keste búginde bilim berý uıymdarynda sabaq prosesinde qoldanylyp keledi", – dedi jetekshisi Ǵabıden Tólebaıuly.
Aıta keteıik, bilim básekesinde 600-ge jýyq qatysýshynyń arasynan dara shyqqan qyzylordalyq oqýshynyń bul eńbegi matematıka ilimine taǵy bir jańa formýla retinde engizilip otyr.