Qazaqstandaǵy halyqaralyq jolaýshylar aǵynynyń jartysynan astamyn qamtamasyz etetin Almaty halyqaralyq áýejaıy jańǵyrtylyp jatyr, dep habarlaıdy aqshamnews.kz
Bul týraly Almaty qalasy ákiminiń orynbasary Oljas Smaǵulov Óńirlik komýnıkasıalar qyzmetiniń alańynda ótken baspasóz konferensıasy barysynda málimdedi.
Qala ákimi Darhan Satybaldynyń tapsyrmasyna sáıkes, qala ákimdiginiń qoldaýymen júzege asyrylyp jatqan joba bul óńirdegi eń iri ınfraqurylymdyq ózgeristerdiń biri bolmaq.
«Almaty halyqaralyq áýejaıyna qatysty bizde úlken jospar bar, ony Eýrazıa keńistigindegi basty avıasıalyq habqa aınaldyrǵymyz keledi. 2029 jylǵa deıin jeke ınvestısıalar esebinen áýejaıǵa 360 mıllıon AQSH dollarynan astam qarjy salynady. İshki termınaldar jańǵyrtylady, osy zamanǵy qonaqúı, kópdeńgeıli avtoturaq salynyp, ushý-qoný jolaǵy da jóndeýden ótedi», – dedi Smaǵulov.
2050 jylǵa deıingi Horizon baǵdarlamasy aıasynda júzege asyp jatqan áýejaıdyń damý barysy bes kezeńnen turady. Birinshi kezeńi 2025 jyly bastalǵan, ol 130 jobany qamtıdy.
Budan bólek, rúldik jolaq pen tehnıkalyq qyzmet kórsetý angaryn salý josparlanyp otyr.
Jańǵyrtý nátıjesinde áýejaı Eýropa men Azıany baılanystyratyn avıasıalyq habqa aınalyp, jylyna 40 mıllıon jolaýshyny qabyldaı alatyn bolady. Jobanyń qurylys kezeńinde 1800-den astam jumys orny jáne turaqty qyzmet etý kezeńinde 550 turaqty jumys orny ashylmaq.