2025 jylǵy 13–20 qazan aralyǵynda Almaty qalasy aýmaǵynda «Turmystaǵy profılaktıka» atty qalalyq jedel-aldyn alý is-sharasy (JAİSH) ótkizilýde, dep habarlaıdy aqshamnews.kz
Alataý aýdandyq polısıa basqarmasynyń turmystyq zorlyq-zombylyqpen kúres bólimshesiniń qyzmetkerleri atalǵan aksıaǵa belsendi qatysýda. İs-shara aıasynda turǵyndarmen túsindirý jumystary júrgizilip, profılaktıkalyq esepte turǵan tulǵalar tekserilýde. Ásirese, qorǵaý nusqamalary shyǵarylǵan jáne arnaıy talaptar belgilengen azamattarǵa erekshe kóńil bólinýde.
İs-sharanyń maqsaty — otbasylyq-turmystyq zorlyq-zombylyqtyń aldyn alý, qaqtyǵystardy beıbit jolmen sheshý mádenıetin qalyptastyrý, halyqtyń quqyqtyq saýattylyǵyn arttyrý.
Polısıa qyzmetkerleri qala turǵyndary men qonaqtaryn kez kelgen zorlyq-zombylyqtan aýlaq bolýǵa, bir-birine qurmetpen qaraýǵa jáne barlyq máselelerdi beıbit túrde sheshýge shaqyrady.
Qajet bolǵan jaǵdaıda kelesi telefondarǵa habarlasýǵa bolady:
📞 102 — Polısıa
📞 111 — Balalarǵa arnalǵan senim telefony
📞 150 — Zorlyq-zombylyqtan zardap shekkenderge arnalǵan biryńǵaı qoldaý qyzmeti