Aıaýly Almaty
Ár damyǵan elge kóz salsańyz, onyń erekshelengen alyp megapolısteri bolady. Dúnıe júziniń alyp derjavasy - Amerıka Qurama Shtattary ataqty Nú-Iork, Vashıngton qalalarymen ataqty. Japonıa dese, Tokıo eske túsedi. Al baýyrlas Túrkıanyń Ystambuly bar. Osylardyń barlyǵy kúlli dúnıege máshhúr shaharlar sanalady.
Súıikti qala. Ýaqyt mashınasy kún ótken saıyn alǵa jyljyp keledi. Jolyndaǵysyn jaıpaýda. Muny eki jaqty túsinýge bolady. Jahandanýdyń qanat jaıǵany qashan. Bir-birine uqsastyq, birin-biri qaıtalaý - ejelden kele jatqan úrdis. Dese de, bizdiń Almatynyń jóni bólek. Qala tarıhy 1000 jyldan asady. Talaı oqıǵanyń kýágeri desek, qatelespeımiz. Qasterli Jetisý óńirinde ornalasqan bul qutty meken talaıdyń shamyn jaqty. Dımash atamyz 30 jyl osynda bılik qurdy. Sol kezdegi Alma-Atany damytty. "Qazaqstan" qonaq úıin, Shyǵys monshasy, Respýblıka saraıy, "Medeý" muzaıdynyn saldy. Bul óńir Shámshi men Muqaǵalıǵa shabyt berdi. Alataý baýraıyna baýrady. Al tabıǵatyna sóz jetpeıdi.
Qala - toǵyz joldyń toraby. Arysy Qytaıǵa, myna sheti Qyrǵyzstan, Ózbekstan arqyly Ortalyq Azıaǵa shyǵady. Geolokasıasy qolaıly ári saýda-ekonomıkalyq ortalyq deýge tolyq negiz jeterlik.
Túıin. Qazaq eliniń bas qalasy elorda ekeni anyq. Al biraq, mádenıet pen óner ordasy bolyp Almaty qala bereri sózsiz. Barshamyzdyń ortaq, súıikti qalamyzdyń máńgi aıalaı bileıik!