Bıikke umtylǵan el
Zamanaýı Sıngapýr memleketiniń negizin qalaýshy ári atasy Lı Kýan Iýdy bilmeıtin kózi ashyq, kókiregi oıaý pende joq shyǵar. Ol «Qoǵamdaǵy beıbitshilik pen úılesim kilti – oıynnyń ereje boıynsha aınalyp, árkimniń ózine tıisti qoǵamdyq úlesin alýynda» dep qoǵam men adamǵa baǵa beripti. Bir kezderi kishkene ǵana qalashyq bolǵan qalany álemniń aıbyndy memleketine aınaldyrdy. Ekonomıkasyn damytty. Zańdaryn qataıtty. Damýdyń dańǵyl jolyna aqyl-oıdyń jemisi arqyly tústi. Barsha jahan jurty kóz tikken «qala memleketke» aınaldyrdy. Alyp Qytaı men Anglıadan ımenbedi. Osylardyń arasynan ózindik jol tapty. Osy taqylettes taǵdyr Ońtústik Koreıa, Japonıa elderiniń basynda da bolaǵan. Ol turǵysynan buǵan deıin birneshe márte sóz qozǵadyq. Áıtkenmen, jasaǵan tájirıbelerin aınalyp óte almaımyz.
Álem tynysy. Qazaqstan - óte baqýatty el. Rýhanı turǵydan alǵanda mádenıet, tarıh, shejire, jádigerler, qundylyqtarǵa óte baımyz. Rımdikter men ejelgi grekterdiń arhıtektýralyq eskertkishteri búginge deıin ekonomıkalyq paıda túsirip tur. Túrkıanyń jóni bir bólek. Ondaǵy árbir kóne jaýhar qarajat kózi bolýda. Bastysy, servıs jaqsy jolǵa qoıylǵan. Saıahattaýshylar ózderiniń rahaty úshin aqshany aıamasy anyq.
Álginde baqýattylyq turǵydaǵy oıdy túrtip óttik. Bizdiń el eshkimnen kem emes. Tipti, materıaldyq hám rýhanı turǵydan baımyz. Myń táýbe!
Bizdiń dalamyz - kóne jádigerler ordasy. Talaı taǵdyrdyń kýási. Oǵan dálel árbir tas, árbir sý. Arǵy jaǵyn tereńdete berýge bolady. Oıymyz osyny týrızmniń ádis-tásiline súıenip damyta berer bolsaq, utqanymyz. Bul baǵytta birshama sharýa atqarylyp ta jatyr.
Qorytý. Bárin túıgende shyǵatyn paıym bireý. Ol – qasterli Otanymyzdy damytý. Beıbitshilik pen turaqtylyqty saqtaý. Sonda bári birtindep oryndalmaq.
Elimizdiń erteńi jaryq bolsyn!