QR Premer-Mınıstri Álıhan Smaıylovtyń tóraǵalyǵymen ótken Munaı-gaz jáne energetıka salalaryn damytý jónindegi vedomstvoaralyq komısıanyń (VAK) otyrysynda ishki naryqty suıyltylǵan gazben úzdiksiz qamtamasyz etý máselesi qaraldy
Memleket basshysy Qasym-Jomart Kemeluly Toqaevtyń tapsyrmasyn oryndaý aıasynda suıyltylǵan munaı gazyn (SMG) elektrondyq saýda alańynan (ESA) tys – jergilikti atqarýshy organdardyń ótinimderi negizinde ishki naryqqa jetkizý jospary arqyly satý týraly sheshim qabyldandy, dep habarlaıdy Almaty-akshamy.kz
QR İshki naryǵyna suıyltylǵan munaı gazyn jetkizý josparyn qalyptastyrý qaǵıdalaryna munaı-gaz hımıasy kásiporyndarymen jáne toptyq rezervýarlyq qondyrǵylarmen (turmystyq muqtajdyqtar úshin) qatar, SMG-ny ESA-dan tys satyp alýǵa quqyǵy bar sýbektilerdiń tizimin keńeıtýdi kózdeıtin ózgerister engizildi, mundaı quqyqqa avtogaz quıý stansıalary, gaz jelisi uıymdary, gaz toltyrý beketteri, gaz toltyrý stansıalary ıe boldy.
Energetıka mınıstrligi sýbektilerdiń atalǵan jańa sanattary úshin ESA-dan tys ishki naryqta SMG-ny bólýge ýákiletti.
SMG kóterme jáne bólshek saýdada ótkizýdiń 150-den astam sýbektisi jumys isteıtin óńirlerdiń ákimdikteri osyndaı sýbektiler arasynda suıyltylǵan munaı gazyn bólýdiń óz tetikterin ázirleýge ýákiletti.
2021 jylǵy jeltoqsanda jáne 2022 jylǵy qańtarda bólshek saýdada ótkizýshiler ESA-lardan suıyltylǵan gaz kólemderin kóterme naryq baǵalary boıynsha satyp aldy.
Bıyl 5 qańtarda suıyltylǵan munaı gazyn bólshek saýdada satýǵa shekti baǵalar belgilendi (óńirlerge qaraı – bir lıtri úshin 50 teńgeden 70 teńgege deıin, shalǵaı aýdandarda – bir lıtri úshin 55 teńgeden 75 teńgege deıin), sondaı-aq shekti kóterme baǵasy bir tonnasy úshin 38 701 teńgeden 28 000 teńgege deıin tómendedi.