10 maýsymda, ıaǵnı, aldaǵy senbi kúni «Almaty Arena» saraıynda judyryqtasýdan alǵash ret erekshe shoý ótedi.
Keshtiń uıymdastyrýshysy - Qazaqstandaǵy alǵashqy kásibı «Nomad Fighting Championship» lıgasy. Jarys aldynda sportshylar kezdesip, baspasóz jıynyn ótkizdi. Keshtiń basty kezdesýi Muratbek Qasymbaı men Nıkıta Solonınniń arasynda ótedi, dep habarlaıdy Almaty-akshamy.kz
Al jartylaı orta salmaqta kópten kútken fınaldyq kezdesý bolady dep josparlanǵan. Basty syılyq - chempıondyq belbeý jáne 5 000 000 teńge.
«Nıkıta - kásipqoı sportshy. Men onyń múmkindikterin baǵalaımyn. Biraq men de babymdamyn. Jeńiske degen senim basym. «Nomad-tyń» birinshi stadıondyq týrnırinde óner kórsetetinime qýanyshtymyn. Oǵan qosa keshte tanymal estrada juldyzdary men etnografıalyq top kórermenge kóterińki kóńil-kúı syılaıdy. Kelýshilerge de tosynsyı ázirlengen. Keshke kelgen qonaqtar arasynda 1 000 000 teńge oınatylady», - deıdi qazaqstandyq jekpe-jek sheberi Muratbek Qasymbaı.
«Bir jylda kem degende eki ret úlken arenalarda ótkizip turý, halyqaralyq arenaǵa shyǵý, Ózbekstanǵa, Qyrǵyzstanǵa, Orta Azıaǵa barý, bizdiń qazaqstandyq sportshylardyń kórsetkishin kórsetý, bizdiń sporttyq ındýstrıany damytý degen maqsattarmen osy týrnırlerdi ótkizip júrmiz», - deıdi «Nomad Fighting Championship» lıgasynyń prezıdenti Muhamedjan Qonysbekov,
Jobanyń taǵy bir ereksheligi bılet satylymynan túsken qarjynyń 10 paıyzy muqtaj jandarǵa úı satyp alý maqsatynda qaıyrymdylyq qorǵa aýdarylady. Endeshe 10 maýsym kúni keshki beste «Almaty arenaǵa» asyǵyńyz!