«Almaty aqshamy» jáne «Vechernıı Almaty» gazetteri «Air Astana» jolaýshylaryna qoljetimdi.
«Air Astana» áýe kompanıasy – álemdik deńgeıdegi kompanıa. Onyń túrli nomınasıalarda kóptegen marapattary bar jáne ol Qazaqstannyń Ulttyq avıatasymaldaýshysy. «Air Astana» zaman talabyna saı, zamanaýı tehnologıalardy engizip, óz jolaýshylarynyń jaılylyǵy úshin qoldan kelgenniń bárin jasaýda. Merzimdi basylymdarǵa qol jetkizýdi de nazardan tys qaldyrmady. Eger buryn bortqa baspa ónimderi jınalǵan bolsa, qazir «Air Astana» jolaýshylarǵa yńǵaıly bolý úshin arnaıy júıeni iske qosty. Endi bıletti satyp alý kezinde avıakompanıanyń saıtynda tirkelý kezinde kez kelgen jolaýshy «My press» belgisi boıynsha óte alady. Onda gazetter, jýrnaldar tek sandyq nusqada usynylǵan, «Almaty aqshamy» jáne «Vechernıı Almaty» gazetteriniń nusqasy da bar.
Financial Times, The New York Times, Frankfurter Allgemeine, Oman Daily jáne basqa da álemdik baspa brendterimen qatar, endi ushaq bortyndaǵy jolaýshylar megapolıstiń eń tanymal qalalyq basylymdaryn oqı alady.
«Alataý Aqparat» JSHS komersıalyq dırektory Qýanysh Dúskalıevtiń aıtýynsha, bul - eki gazet úshin de úlken jetistik.
– Bul másele «Air Astana» áýe kompanıasynyń korporatıvtik komýnıkasıalar departamentimen talqylandy. Departament bizdiń basylymdarymyzdy qarap, sheshim qabyldaýǵa jetkilikti ýaqyt aldy. Barlyq qazaqstandyq BAQ-tan bul júıege biz ǵana, al reseılik BAQ-tan «Izvestıa» kirdi. Bul – bizdiń gazetterdiń zamanaýı jáne onda ózekti kontent bar ekendiginiń kórsetkishi. Birinshiden, biz resmı BAQ-pyz, ekinshiden, oqyrmanǵa paıdaly jáne qyzyqty bolatyn shynaıy aqparatty ǵana usynamyz. Gazetti damytýda bul úlken qadam, – dep atap ótti ol.