Qazaqstan elshisi Jan Ǵalıev Montero komýnasynda Fransıanyń eńbek sińirgen ǵalymy, Qazaqstannyń baıyrǵy jáne adal dosy Jak Monemen kezdesti.
95 jastaǵy fransýz qoǵam qaıratkeri kóp jyldar boıy qarýsyzdaný jáne ıadrolyq qarýdy taratpaý salasynda belsendilik tanytty, dep habarlaıdy Almaty-akshamy.kz.
Osy turǵyda ol Qazaqstanǵa alǵash ret 1989 jyly adam men tabıǵat úshin ıadrolyq synaqtardyń saldaryn joıýǵa arnalǵan konferensıaǵa qatysý úshin saparmen kelgen edi.
1997 jyldyń basynda doktor Mone Sena-ı-Marna departamentinde «Fransıa-Qazaqstan» dostyq qaýymdastyǵyn quryp, Fransıanyń osy aımaǵynyń turǵyndaryn táýelsizdigimiz tańynda elimizben tanystyrdy.
Ekijaqty baılanystardy nyǵaıtýǵa jáne Fransıadaǵy Qazaqstan ımıjin ilgeriletýge qosqan eleýli úlesi úshin elshi Jak Monege «Qazaqstan Respýblıkasynyń Táýelsizdigine 30 jyl» mereıtoılyq medalin tapsyrdy.
Montero qalasynyń «Château des Amendes» tarıhı ǵımaratynda uıymdastyrylǵan saltanatqa osy komýnanyń meri, Il-de-Frans astanalyq aımaǵynyń vıse-prezıdenti Djeıms Sheron, Jak Monerdiń otbasy men jaqyn dostary qatysty.