2024 jyldyń basynan bastap Qazaqstannyń barlyq óńirlerinde memlekettik áleýmettik qorǵaý ınspektorlary 2 126 tekserý júrgizdi, onyń 528-i profılaktıkalyq baqylaý sheńberinde, 511-i jospardan tys, 1087-si prokýratýranyń talaby boıynsha.
Memlekettik baqylaýmen: ákimdikter – 159, jergilikti atqarýshy organdardyń bólimderi men basqarmalary – 98, memlekettik mekemeler – 67, arnaýly áleýmettik qyzmetter kórsetý ortalyqtary – 74, ońaltý ortalyqtary – 6, aýrýhanalar, emhanalar – 85, stomalogıalar – 3, sanatorııler – 4, balabaqshalar – 407, mektepter – 927, kolejder, lıseıler – 72, dúkender – 18, saýda úıleri – 26, bank fılıaldary – 6, «Qazposhta» AQ fılıaldary – 7, polısıa bólimsheleri – 9, mádenıet úıleri – 15, muraǵattar, murajaılar – 13, kafeler, meıramhanalar, qonaq úıler – 16, notarıýstar – 2, avtobýs parkteri, avto jáne teıirjol vokzaldary, áýejaılar – 8, JK – 46, kitaphanalar – 4, BJSM, sport mektepteri – 13 jáne basqalar qamtyldy, dep habarlaıdy aqshamnews.kz Eńbek jáne halyqty áleýmettik qorǵaý mınıstrligine silteme jasap.
Máselen, Eńbek jáne áleýmettik qorǵaý komıtetiniń Almaty qalasy boıynsha departamenti múgedektigi bar adamnyń ótinishi negizinde múgedektigi bar adamdar úshin qoljetimdiliktiń bolmaýy faktisi boıynsha azyq-túlik dúkenine jospardan tys tekserý júrgizdi. Tekserý nátıjeleri boıynsha kásipkerlik sýbektisi aıyppul túrinde ákimshilik jaýapkershilikke tartyldy, sondaı-aq anyqtalǵan buzýshylyqtardy joıý týraly nusqama engizildi.
Sonymen qatar, óńirlerdegi áleýmettik ınspektorlar múgedektigi bar adamdardyń zańdy quqyqtaryn qamtamasyz etý úshin áleýmettik ınfraqurylym obektileriniń beıimdelý is-sharalaryn júrgizýde oń dınamıkany atap ótti.
Máselen, múgedektigi bar azamat Ergen Bekarystanovtyń aıtýynsha, Oral qalasynda erekshe qajettilikteri bar adamdar úshin jaǵdaıdy jaqsartý máselelerinde oń dınamıka baıqalady.
«Kún saıyn qala boıynsha múgedektigi bar adamdar úshin jaǵdaı jasalýda. Kırov saıabaǵynda trotýardyń boıynda kórý qabileti nashar adamdarǵa arnalǵan taktıldi baǵyttaǵyshtar ornatyldy, qala boıynsha bankterge, sýpermarketterge, kafelerge kirý múmkindigi qamtamasyz etildi. Atap aıtqanda, múgedektigi bar adamdarǵa arnalǵan turaq oryndary, pandýstar men kirý toptary standarttarǵa sáıkes keledi, jalpy qala boıynsha ınfraqurylym obektilerin qoljetimdilik normalaryna sáıkes keltirý boıynsha jumystar júrgizilýde, buǵan men óte qýanyshtymyn», – dep óz pikirimen bólisti Ergen Bekarystanov.
Esterińizge sala keteıik, 2023 jylǵy 1 shildede QR Áleýmettik kodeksi kúshine engen kezden bastap, elimizde memlekettik áleýmettik qorǵaý ınspektorlarynyń ınstıtýty engizildi. Olardyń quzyretine múgedektigi bar adamdardy áleýmettik qorǵaý, arnaýly áleýmettik qyzmetter kórsetý jáne áleýmettik qamsyzdandyrý salasyndaǵy zańnamanyń saqtalýyn baqylaýdy júzege asyrý kiredi.