Zańdaǵy ózgerister 1 qańtardan kúshine enedi.
Ákimderdi saılaý úsh kezeńde ótedi, dep habarlaıdy Almaty-akshamy.kz
2025 jyldan bastap aýdan-qala ákimderiniń barlyǵy saılaý arqyly qyzmetke keledi.
Elimizde saıası naýqan ótkizý prosesin jetildirýge baǵyttalǵan birneshe ózgeris engizildi. Ákimderdi saılaý úsh kezeńde ótedi. 2023 jyly ákimshilik-aýmaqtyq birlikterdiń – 25 paıyzy, 2024 jyly - 25, al 2025 jyly barlyq aýdan men oblystyq mańyzy bar qala ákimderi saılaý arqyly taǵaıyndalady.
Ádilet mınıstriniń orynbasary Alma Muqanovanyń aıtýynsha, zańǵa engizilgen ózgerister kelesi jyly 1 qańtardan bastap kúshine enedi. Al 20 qarashadaǵy kezekten tys prezıdent saılaýy qazirgi zań boıynsha ótkiziledi eken.
«Saılaý prosesin jetildirýge baǵyttalǵan ózgerister engizildi – bul áleýmettik jelilerdegi úgit-nasıhatqa ruqsat berý, aýmaqtyq saılaý komısıalaryn kásibı negizge aýystyrý, saılaý qorlaryna erikti qaıyrymdylyqtardyń shekti mólsherin belgileý jáne basqa da ózgerister», – dedi QR Ádilet vıse-mınıstri Alma Muqanova.