Almaty ákimi Erbolat Dosaev Sýrdlımpıada jeńimpazdaryna baspana sertıfıkatyn tabys etti
Almaty ákimi Erbolat Dosaev 24-shi Sýrdolımpıada júldegerlerin marapattady, dep habarlaıdy Almaty-akshamy.kz
Grek-rım jáne erkin kúresten birinshi oryn alǵan Haırathaan Shonkýǵa qala ákiminiń atynan úsh bólmeli páter sertıfıkaty tabystaldy. Grek-rım kúresi boıynsha Sýrdlımpıada oıyndarynyń kúmis júldegeri Tájıev Asyljan 2 bólmeli páterge ıe boldy. Dzúdodan kúmis, komandalyq esepte qola júldeger atanǵan Nurmuhammed Áldibekke 2 bólmeli páterdiń kilti tapsyryldy. Dzúdodan qurama sapynda jáne komandalyq jarysta qola júldeger atanǵan Ásel Maqsutova, Shaıahmet Qanapıanov, Ermek Jánibekuly, Asqat Adambaevqa 1 bólmeli páterdiń sertıfıkaty tabys etildi. Jeńil atletıkadan Sýrdlımpıada oıyndarynyń qola júldegeri Raýan Beısebaıǵa 1 bólmeli páter sertıfıkaty berildi.
Esterińizge sala keteıik, 1-15 mamyr aralyǵynda Kashıas-dý-Sýl qalasynda (Brazılıa) XXIV Sýrdlımpıada oıyndary ótip, oǵan 73 elden 2500 sportshy qatysty. Medaldyq esepte Qazaqstan 11 medal jeńip alyp, 13-shi orynǵa turaqtady. Onyń ishinde: 2 altyn, 2 kúmis jáne 7 qola júlde. Qazaqstan qurama komandasynda 57 sportshy bar, onyń 12-si Almaty qalasy sport basqarmasynyń múmkindigi shekteýli jandarǵa arnalǵan sport klýbynyń sportshylary, olar sporttyń 5 túrinen (dzúdo, grek-rım jáne erkin kúres, júzý, jeńil atletıka) synǵa tústi.